భారత్-ఇంగ్లాండ్ మధ్య జరుగుతున్న మూడో టీ20లో.. టీమ్ఇండియా నిర్ణీత ఓవర్లలో 6 వికెట్లు కోల్పోయి 157 పరుగులు చేసింది. ఆది నుంచి తడబడిన భారత జట్టును.. కోహ్లీ(77*) కెప్టెన్ ఇన్నింగ్స్తో ఆదుకున్నాడు. ఈ క్రమంలో పొట్టి ఫార్మాట్లో 27వ అర్థ సెంచరీని పూర్తి చేసుకున్నాడు విరాట్.
టాస్ ఓడి బ్యాటింగ్కు దిగిన కోహ్లీ సేన.. ఆరంభం నుంచి తడబడింది. బౌలింగ్కు సహకరిస్తున్న పిచ్పై ఇంగ్లాండ్ బౌలర్లు కట్టుదిట్టంగా బౌలింగ్ చేశారు. ఇంగ్లాండ్ బౌలర్ మార్క్ వుడ్ 3 వికెట్లు తీసుకున్నాడు.
కేఎల్ రాహుల్ మరోసారి డకౌట్గా వెనుదిరిగాడు. రిషభ్, కోహ్లీల జోడీ నాలుగో వికెట్కు 40 పరుగులు చేసింది. ఆ తర్వాత లేని పరుగు కోసం ప్రయత్నించి పంత్ రనౌట్గా పెవిలియన్ చేరాడు. కనీసం పోరాడే స్కోరైనా భారత్ సాధిస్తుందా? అన్న అనుమానం రేకేత్తిన సమయంలో కెప్టెన్ కోహ్లీ చేలరేగాడు. మార్క్ వుడ్ వేసిన 18వ ఓవర్లో రెండు సిక్స్లతో పాటు ఓ ఫోర్ సాధించాడు. చివరి 5 ఓవర్లోనే భారత్ 69 పరుగులు చేసింది.
ఇదీ చదవండి: టోక్యో ఒలింపిక్స్కు మరో భారత అథ్లెట్ క్వాలిఫై
