పుణె వేదికగా దక్షిణాఫ్రికాతో జరుగుతోన్న రెండో టెస్టులో టీమిండియా గెలుపు దిశగా దూసుకెళ్తోంది. నాలుగో రోజు ఫాలో ఆన్లో రెండో ఇన్నింగ్స్ ఆరంభించిన దక్షిణాఫ్రికా భోజన విరామానికి 27 ఓవర్లలో నాలుగు వికెట్ల నష్టానికి 74 పరుగులు చేసింది. ప్రస్తుతం బవుమా (2), డికాక్‌ (1) క్రీజులో ఉన్నారు.
భళా సాహా
రెండో ఇన్నింగ్స్లో రెండు అద్భుత క్యాచ్‌లతో అదరగొట్టాడు సాహా. ఉమేశ్‌ యాదవ్‌ వేసిన ఇన్నింగ్స్ ఆరో ఓవర్‌లో లెగ్‌సైడ్‌ వెళ్లిన ఓ బంతిని డిబ్రుయిన్‌(8) షాట్‌ ఆడేందుకు ప్రయత్నించాడు. వెంటనే స్పందించిన సాహా అమాంతం డైవ్‌చేసి అతడి క్యాచ్ అందుకున్నాడు. ఆ తర్వాత 24వ ఓవర్‌లో కెప్టెన్‌ డుప్లెసిస్‌(5; 54 బంతుల్లో)ను పెవిలియన్‌కు పంపాడు. అశ్విన్‌ వేసిన ఓ బంతి కెప్టెన్‌ బ్యాట్‌కు తగిలి నేరుగా కీపర్‌ చేతిలోకి వెళ్లింది. అయితే బంతిని అందుకోవడంలో తడబడిన సాహా.. రెండు సార్లు మిస్‌ అయినా మూడోసారి ముందుకు డైవ్‌ చేసి అందుకున్నాడు.
ఇవీ చూడండి.. కళ్లు చెదిరే క్యాచ్లు అందుకొన్న కోహ్లీ, సాహా..!
