రికార్డుల రారాజు విరాట్ కోహ్లీ.. మరో రికార్డును తన ఖాతాలో వేసుకున్నాడు. పుణె వేదికగా ఇంగ్లాండ్తో జరుగుతున్న తొలి మ్యాచ్లో అద్భుతమైన హాఫ్ సెంచరీతో అదరగొట్టాడు. ఈ క్రమంలో సొంతగడ్డపై అన్ని ఫార్మాట్లలో కలిపి 10వేల పరుగులు పూర్తి చేశాడు. ఈ ఘనత సాధించిన రెండో భారత క్రికెటర్ కోహ్లీ. మొత్తంగా ఆరో బ్యాట్స్మెన్. ఈ ఫీట్ సాధించడానికి ఆసీస్ మాజీ సారథి పాంటింగ్కు 219 ఇన్నింగ్స్లు అవసరమయ్యాయి. విరాట్ 195 ఇన్నింగ్స్ల్లోనే ఈ రికార్డు చేరుకోవడం విశేషం.
అంతకుముందు దిగ్గజ క్రికెటర్ సచిన్ తెందూల్కర్ ఈ ఫీట్ను అందుకున్నాడు. ఆసీస్ మాజీ కెప్టెన్ రికీ పాంటింగ్ రెండో స్థానంలో నిలిచాడు. దక్షిణాఫ్రికా ఆల్రౌండర్ జాక్వస్ కల్లిస్, శ్రీలంక ఆటగాళ్లు కుమార సంగక్కర, మహేల జయవర్ధనే తర్వాతి స్థానాల్లో కొనసాగుతున్నారు.
సొంతగడ్డపై రికార్డులు
సచిన్ తెందూల్కర్ - 14,192
రికీ పాంటింగ్ - 13,117
జాక్వస్ కల్లిస్ - 12,305
కుమార సంగక్కర - 12,043
మహేల జయవర్ధనే - 11,679
విరాట్ కోహ్లీ - 10,002
ఇదీ చదవండి: తొలి వన్డే: రోహిత్-శ్రేయస్కు గాయాలు
