ఇంగ్లాండ్ టెస్ట్ కెప్టెన్ జో రూట్కు డాట్ బాల్స్ వేయడం చాలా కష్టమని అన్నాడు ఆ జట్టు వికెట్కీపర్-బ్యాట్స్మన్ జోస్ బట్లర్. స్పిన్ బౌలింగ్లో రూట్ చెలరేగి ఆడతాడని చెప్పాడు.
"రూట్ అద్భుత ఫామ్లో ఉన్నాడు. స్పిన్ను ఎదుర్కోవడంలో అతడు దిట్ట. ఎక్కువ షాట్లు ఆడి, స్ట్రైక్ రొటేట్ చేయగలడు. అతడికి డాట్ బాల్స్ వేయడం చాలా కష్టం. ఎక్కువ సేపు బ్యాటింగ్ చేయాలనే కాంక్ష అతడిలో బలంగా ఉంటుంది. తన టెక్నిక్ను చాలా తెలివిగా అమలు చేయగలడు. ఏడాది ఆరంభంలోనే గొప్ప ఫామ్లో ఉండటం అతడికి కలిసొచ్చే అంశం."
- జోస్ బట్లర్, ఇంగ్లాండ్ కీపర్.
ఇటీవల శ్రీలంకతో జరిగిన టెస్టు సిరీస్లో తొలి మ్యాచ్లో ద్విశతకంతో అదరగొట్టిన రూట్, రెండో టెస్టులో 186పరుగులతో ఆకట్టుకున్నాడు. ఇక భారత్తో జరగబోయే సిరీస్లో తమ బౌలర్లు జోఫ్రా ఆర్చర్, స్టువర్ట్ బ్రాడ్, జేమ్స్ ఆండర్సన్ కీలకమని చెప్పాడు బట్లర్.
ఫిబ్రవరి 5న భారత్, ఇంగ్లాండ్ మధ్య తొలి టెస్టు ప్రారంభంకానుంది. ఇప్పటికే పలువురు ఇంగ్లాండ్ క్రికెటర్లు క్వారంటైన్ ముగించుకొని ప్రాక్టీస్ మొదలుపెట్టగా మిగిలినవారు సహ టీమ్ఇండియా క్వారంటైన్లో ఉంది.
ఇదీ చూడండి: 'ఆసీస్ అనుభవాన్ని ఇంగ్లాండ్పై చూపిస్తా'
