అహ్మదాబాద్ పింక్ టెస్టులో భాగంగా ఇంగ్లాండ్ ఆల్రౌండర్ బెన్ స్టోక్స్ బంతికి లాలాజలం రుద్దాడు. భారత ఇన్నింగ్స్లో 12వ ఓవర్ చివరి బంతికి ఈ సంఘటన జరిగింది. గమనించిన ఫీల్డ్ అంపైర్లు వెంటనే బంతికి శానిటైజ్ చేశారు. స్టోక్స్ అనుకోకుండా ఈ తప్పిదం చేయడం వల్ల అంపైర్లు అతడికి ఎటువంటి హెచ్చరిక చేయలేదు.
కరోనా వైరస్ నేపథ్యంలో మెరుపు కోసం బంతిపై లాలాజలాన్ని రుద్దడాన్ని ఐసీసీ నిషేధించింది. అలా వరుసగా రెండు సార్లు చేస్తే హెచ్చరికతో వదిలేయాలని సూచించింది. అంతకన్నా ఎక్కువ సార్లు చేస్తే బ్యాటింగ్ జట్టుకు 5 అదనపు పరుగులు ఇవ్వాలని నిర్ణయించింది. అయితే బంతి మెరుపు కోసం లాలాజలానికి బదులుగా చెమటను ప్రత్యామ్నాయంగా ఉపయోగించవచ్చని తెలిపింది.
ఇదీ చదవండి: 'భారత్-ఇంగ్లాండ్ పింక్ టెస్టును మిస్ అవుతున్నా'
