సిడ్నీ టెస్టు: లంచ్ బ్రేక్ సమయానికి ఆసీస్ 249/5

సిడ్నీ వేదికగా టీమ్ఇండియాతో జరుగుతోన్న మూడో టెస్టు రెండో రోజు మొదటి సెషన్ పూర్తయ్యే సమయానికి 5 వికెట్ల నష్టానికి 249 పరుగులు చేసింది ఆసీస్. స్మిత్ 76 పరుగులతో క్రీజులో ఉన్నాడు.

సిడ్నీ వేదికగా టీమ్ఇండియాతో జరుగుతోన్న మూడో టెస్టు మ్యాచ్​ రెండో రోజు మొదటి సెషన్​లో భారత బౌలర్లు మంచి ప్రదర్శన చేశారు. ఓవర్​నైట్ స్కోర్ 166/2తో రెండో రోజు ఆట ప్రారంభించిన ఆసీస్​కు ప్రారంభంలోనే షాక్ తగిలింది. సెంచరీ వైపుగా దూసుకెళ్తున్న లబుషేన్​ (91)ను బోల్తాకొట్టించాడు జడేజా. తర్వాత వేడ్​(13)నూ ఔట్ చేసి భారత శిబిరంలో ఆనందాన్ని నింపాడు. కాసేపటికే గ్రీన్​ (0)ను వికెట్ల ముందు దొరికించుకున్నాడు బుమ్రా. స్మిత్ (76) క్రీజులో ఉన్నాడు. ఫలితంగా లంచ్ బ్రేక్ సమయానికి ఆసీస్ 5 వికెట్ల నష్టానికి 249 పరుగులు చేసింది.