రాయల్‌ ఛాలెంజర్స్‌ బెంగళూరు జట్టును వీడాలన్న ఆలోచనే తనకు రాదని, ఎప్పటికీ ఈ జట్టుతోనే ఉంటానని విరాట్‌ కోహ్లీ అన్నాడు.
"పన్నెండేళ్లుగా ఆడుతున్నా. ప్రయాణం ఎంతో గొప్పగా సాగింది. నమ్మశక్యంగా అనిపించట్లేదు. మేం మూడుసార్లు ట్రోఫీకి చేరువగా వెళ్లాం. కానీ సాధించలేకపోయాం. కప్పు మా అందరి కల. ఎలాంటి పరిస్థితుల్లోనూ నేను ఈ జట్టును వీడాలనే ఆలోచన నాకు రాదు. ఆ అవకాశమే లేదు. ఫ్రాంఛైజీ నాపై చూపించిన ఆపేక్షే ఆందుకు కారణం. మా ఆట ఎలా ఉన్నా సరే.. నేను ఐపీఎల్ ఆడేంత వరకు బెంగళూరుతోనే ఉంటా"
- కోహ్లీ, ఆర్సీబీ సారథి.
తొలి ఐపీఎల్ (2008) నుంచి అతడు బెంగళూరుతోనే ఉన్నాడు. ఈ మెగాలీగ్లో ఆరంభం నుంచి ఇప్పటివరకు ఒకే జట్టుతో ఉన్న ఏకైక ఆటగాడు విరాట్‌ కోహ్లీనే. బ్యాట్స్‌మన్‌గా విశేషంగా రాణించినా అతడి కప్పు కల మాత్రం నెరవేరలేదు. బెంగళూరు రెండు సార్లు (2009, 2016)లో రన్నరప్‌గా నిలిచింది. దుబాయ్ వేదికగా ఈ సీజన్ సెప్టెంబరు 19 నుంచి నవంబరు 10 వరకు బయోసెక్యూర్ వాతావరణంలో జరగనుంది.
ఇదీ చూడండి యుఎస్‌ ఓపెన్‌ : ముర్రే కథ ముగిసె.. అజరెంకా ముందంజ
