రెండేళ్ల క్రితమే టెస్టు క్రికెట్కు వీడ్కోలు పలికిన పాకిస్థాన్ పేసర్ వాహబ్ రియాజ్.. ఈ ఫార్మాట్లోకి రీఎంట్రీ ఇచ్చేందుకు ఆసక్తి చూపుతున్నాడు. ఈ విషయమై జట్టు హెడ్కోచ్ మిస్బా ఉల్ హక్తో చర్చలూ జరిపాడు. దీనిని మిస్బా తాజాగా వెల్లడించాడు.
జులైలో ఇంగ్లాండ్ వేదికగా ఆ దేశంతో పాక్ ద్వైపాక్షిక సిరీస్ ఆడనుంది. ఇందులో భాగంగా తలో మూడు టెస్టులు, టీ20 మ్యాచ్లు జరగనున్నాయి. ఇప్పుడు ఈ సిరీస్తోనే పునరాగమనం చేయాలని భావిస్తున్నాడు వాహబ్.
ఇటీవల జట్టులోకి అదనంగా 10 మంది పేసర్లు, నలుగురు స్పిన్నర్లను తీసుకోవడానికి గల కారణాన్ని వెల్లడించాడు మిస్బా. కరోనా కారణంగా ప్రస్తుత పరిస్థితులకు అనుగుణంగా బౌలర్లు తమ మునపటి ఫామ్ను తిరిగి పొందేందుకు సమయం పట్టొచ్చని అన్నారు. అందుకే కొత్త వారిని తీసుకున్నట్లు చెప్పారు.
పాక్ తరఫున వాహబ్.. 27 టెస్టులు, 89 వన్డేలు, 31 టీ20 మ్యాచ్లు ఆడాడు. మొత్తంగా 228 వికెట్లు తీశాడు. అయితే తన విషయంలో సెలక్టర్లు నిర్లక్ష్యంగా వ్యవహరిస్తున్నారని, అందుకే టెస్టులకు గుడ్బై చెప్పినట్లు స్పష్టం చేశాడు ఈ బౌలర్.
ఇది చూడండి : 'టెస్టు క్రికెట్కు గుడ్బై చెప్పడానికి అదే కారణం '
