పాకిస్థాన్తో చివరి టీ20లో తాను అద్భుత ఇన్నింగ్స్ ఆడేందుకు కెప్టెన్ ఇయాన్ మోర్గాన్ కారణమని అన్నాడు ఆల్రౌండర్ మొయిన్ అలీ. అతడి మద్దతు తనలో ఆత్మవిశ్వాసాన్ని నింపిందని తెలిపాడు.
"నేను బాగా ఆడిన ఘనత అంతా కెప్టెన్ మోర్గాన్కే దక్కుతుంది. వైస్ కెప్టెన్గా నాకు కొన్ని బాధ్యతలు అప్పగించాడు. నాకు చాలా మద్దతుగానూ నిలిచాడు. అతడు ఉత్తమ కెప్టెన్ కావడానికి ఇది కూడా ఓ కారణం. మోర్గాన్ ఇచ్చిన మద్దతు నాలో ఆత్మవిశ్వాసాన్ని నింపింది"
- మోయిన్ అలీ, ఇంగ్లాండ్ ఆల్రౌండర్
మాంచెస్టర్లో జరిగిన చివరి టీ20లో 61 పరుగులు చేసి జట్టులో టాప్ స్కోరర్గా నిలిచాడు మొయిన్ అలీ. ఐదు పరుగుల తేడాతో పాక్ విజయం సాధించడం వల్ల మోయిన్ అలీ ఇన్నింగ్స్ వృథా అయింది. ఫలితంగా మూడు మ్యాచ్ల టీ20 సిరీస్ డ్రాగా ముగిసింది. తొలుత బ్యాటింగ్ చేసి పాక్ నిర్ణీత ఓవర్లలో 4 వికెట్ల నష్టానికి 190 పరుగులను చేయగా, ఛేదనలో ఇంగ్లాండ్ 8 వికెట్ల కోల్పోయి 185 పరుగులు మాత్రమే చేయగలిగింది.
