టీమ్ఇండియాకు ఎంపికైన కొద్ది కాలంలోనే మంచి ఆల్రౌండర్గా పేరు తెచ్చుకున్నాడు హార్దిక్ పాండ్య. కొందరు ఈ యువ ఆటగాడిని కపిల్ దేవ్తో పోల్చారు. మరికొందరు ఇంగ్లాండ్ ఆల్రౌండర్ బెన్ స్టోక్స్ కంటే ఉత్తమ క్రికెటర్ అని అన్నారు. కానీ పాండ్యకు ఇంకా అంత అనుభవం రాలేదని అంటున్నాడు ఆస్ట్రేలియా మాజీ స్పిన్నర్ బ్రాడ్ హాగ్. ఓ నెటిజన్ అడిగిన ప్రశ్నకు సమాధానంగా తన నిర్ణయం తెలిపాడు.
"హార్దిక్ గొప్ప సత్తా ఉన్న క్రికెటర్. కానీ స్టోక్స్తో పోల్చేంత అంతర్జాతీయ క్రికెట్ పాండ్య ఆడలేదు. నా ప్రపంచకప్ అత్యుత్తమ ఎలెవన్ జట్టులో ఆల్రౌండర్గా స్టోక్స్కే మొగ్గు చూపుతా."
-బ్రాడ్ హాగ్, ఆస్ట్రేలియా మాజీ స్పిన్నర్
2016లో ఆస్ట్రేలియాతో జరిగిన మ్యాచ్తో అంతర్జాతీయ క్రికెట్లోకి అడుగుపెట్టాడు పాండ్య. అనతికాలంలోనే తనదైన శైలి ఆటతో ప్రశంసలు అందుకున్నాడు. ప్రస్తుతం గాయం కారణంగా ఐదు నెలలు ఆటకు దూరంగా ఉన్న పాండ్య.. దక్షిణాఫ్రికాతో సిరీస్కు ఎంపికయ్యాడు. కానీ ఈ సిరీస్లో మొదటి మ్యాచ్ వర్షం కారణంగా తుడిచిపెట్టుకుపోగా.. మిగిలిన రెండు మ్యాచ్లు కరోనా కారణంగా రద్దయ్యాయి.
