దాదాపు ఏడాది తర్వాత టీమ్ఇండియా ఆల్రౌండర్ హార్దిక్ పాండ్య బౌలింగ్ వేశాడు. వెన్ను గాయంతో కొన్నాళ్లకు ఆటకు దూరమై, ఆ తర్వాత జట్టులోకి తిరిగొచ్చిన ఇతడు.. ఆస్ట్రేలియాతో రెండో వన్డేలో బంతిని అందుకున్నాడు. ఈ మ్యాచ్లోనే సెంచరీ కొట్టి ఊపు మీదున్న స్మిత్ను(104) ఔట్ చేశాడు. మొత్తంగా నాలుగు ఓవర్లు వేసి 24 పరుగులిచ్చాడు.
తొలి వన్డేలో కేవలం బ్యాటింగ్ మాత్రమే చేసిన పాండ్య.. తాను ఎప్పుడు బౌలింగ్ చేస్తానో కూడా చెప్పాడు. పూర్తి ఫిట్నెస్ సాధించినప్పుడే, అది కూడా ముఖ్యమైన మ్యాచ్ల్లోనే బౌలింగ్ చేస్తానని అన్నాడు.
2018లో ఇంగ్లాండ్తో టెస్టు సిరీస్ సందర్భంగా హార్దిక్ వెన్నుకు గాయమైంది. దీంతో ఏడాది పాటు ఆటకు దూరమై, గతేడాది అక్టోబరులో సర్జరీ చేయించుకున్నాడు. అనంతరం స్వదేశంలో జరిగిన ఇంగ్లాండ్, బంగ్లాదేశ్, వెస్టిండీస్, శ్రీలంక, ఆస్ట్రేలియా సిరీస్లతో పాటు ఈ ఏడాది ప్రారంభంలో న్యూజిలాండ్ పర్యటనకు కూడా దూరమయ్యాడు.
