టీమ్ఇండియా మాజీ క్రికెటర్ గౌతమ్ గంభీర్.. మహేంద్రసింగ్ ధోనీపై ఆసక్తికర వ్యాఖ్యలు చేశాడు. ధోనీ జట్టు కెప్టెన్ కాకుండా మూడో స్థానంలో బ్యాటింగ్కు దిగితే మరెన్నో రికార్డులు బద్దలు కొట్టే అవకాశం ఉండేదని అభిప్రాయపడ్డాడు. అత్యంత హుషారైన ఆటగాడిగా మహీ ఉండేవాడని, కెప్టెన్సీ బాధ్యతలు ఎప్పుడూ భారంగా అనుకోలేదని తెలిపాడు.
"ప్రపంచ క్రికెట్ ఒక మంచి అవకాశాన్ని కోల్పోయింది. ధోనీ 3వ స్థానంలో బ్యాటింగ్ చేయలేదు. ఒకవేళ మూడో స్థానంలో బ్యాటింగ్కు వచ్చి, సారథిగా వ్యవహరించకుండా ఉంటే అంతర్జాతీయ క్రికెట్ పూర్తి భిన్నమైన మహీని చూసుండేది. బహుశా ధోనీ మరెన్నో రికార్డులు బద్దలు కొట్టేవాడు.
గౌతమ్ గంభీర్, మాజీ క్రికెటర్
16 ఏళ్ల కెరీర్లో ధోనీ వన్డేల్లో 10,773 పరుగులు చేశాడు. వీటిలో 70 శాతం పరుగులు నంబరు 4,5 స్థానాల్లో సాధించినవి. నాలుగులో వచ్చి 3,169 పరుగులు, ఐదో స్థానంలో 4,164 రన్స్ చేెశాడు. ధోనీ మూడో స్థానంలో కేవలం 16 సార్లు బ్యాటింగ్ చేసి 993 రన్స్ సాధించాడు. మిగిలిన స్థానాలతో పోలిస్తే ధోనీ బ్యాటింగ్ సగటు, స్ట్రైక్ రేట్ మూడో స్థానంలోనే అత్యధికంగా 82.75, 99.69గా ఉంది. ఇందులో రెండు సెంచరీలు, ఆరు అర్ధశతకాలు ఉన్నాయి.
ఇదీ చూడండి:సన్రైజర్స్ జట్టులో వివక్ష లేదు: ఇర్ఫాన్
