ప్రపంచవ్యాప్తంగా విజయవంతమైన క్రికెట్ లీగ్ల్లో ఇండియన్ ప్రీమియర్ లీగ్(ఐపీఎల్)దే అగ్రస్థానం. ప్రతిఏటా జరిగే ఈ టోర్నీలో పలువురు స్టార్ క్రికెటర్లు ఆడుతుంటారు. ప్రస్తుత సీజన్ వచ్చే నెల 29 నుంచి ప్రారంభం కానుంది. ఇప్పటికే లీగ్ మ్యాచ్ల జరిగే తేదీలు ప్రకటించారు. ఫ్లే ఆఫ్ మ్యాచ్లవి మాత్రం వెల్లడించలేదు. వాటిని విదేశాల్లో నిర్వహించాలనే ప్రతిపాదనే ఇందుకు కారణంగా తెలుస్తోంది.
టోర్నీలోని మూడో ఫ్రాంచైజీలు ఈ ప్రతిపాదనను బీసీసీఐకి పంపాయి. నాకౌట్ మ్యాచ్‌ల్ని భారత్ వెలుపల నిర్వహించాలని కోరినట్లు సమాచారం. క్రికెట్‌కు పెద్దగా ఆదరణలేని అమెరికా, కెనడా, సింగపూర్‌లో ఈ మ్యాచ్‌ల్ని నిర్వహించడం ద్వారా టోర్నీ ఆదరణ మరింత పెరగనుందని ఫ్రాంఛైజీలు సూచించినట్లు తెలుస్తోంది. ఈ కారణంతోనే బీసీసీఐ పునరాలోచనలో పడిందట.
2008లో మొదలైన ఐపీఎల్.. ఇప్పటికీ విజయవంతంగానే సాగుతోంది. దీనికి పోటీగా ఆస్ట్రేలియా, పాకిస్థాన్, వెస్టిండీస్, బంగ్లాదేశ్ తదితర దేశాలు లీగ్స్ ప్రారంభించిన అవి ఇంతలా ఆదరణ దక్కించుకోలేకపోయాయి.
