న్యూజిలాండ్తో జరిగిన తొలి టెస్టులో భారత్.. 10 వికెట్ల తేడాతో చిత్తుగా ఓడిపోయింది. ఈ మ్యాచ్లో పలు విభాగాల్లో విఫలమైంది టీమిండియా. అయితే సిరీస్ గెలవాలనే పట్టుదలతో ఉన్న కోహ్లీసేన.. రెండో టెస్టుకు ఓ మార్పుతో బరిలోకి దిగే సూచనలు కనిపిస్తున్నాయి.
సీనియర్ ఓపెనర్ రోహిత్ శర్మకు గాయమైన కారణంగా అతడి స్థానంలో జట్టులోకి వచ్చాడు యువ బ్యాట్స్మన్ పృథ్వీషా. అయితే ఇచ్చిన అవకాశాన్ని సద్వినియోగం చేసుకోలేకపోయాడు షా. కివీస్తో తొలి టెస్టులోని రెండు ఇన్నింగ్స్ల్లోనూ(16, 14 పరుగులు) విఫలమయ్యాడు. ఇప్పుడు ఇతడి బదులుగా శుభ్మన్ గిల్నూ తీసుకోవాలని వ్యాఖ్యలు వినిపిస్తున్నాయి. ఈ విషయమై న్యూజిలాండ్ మాజీ క్రికెటర్ స్టైరిస్ స్పందించాడు.
శుభ్మన్కు అవకాశాలిస్తే కోహ్లీలా మరో పదేళ్లపాటు టాపార్డర్ను నడిపిస్తాడని స్టైరిస్ అన్నాడు. కనీసం రెండో టెస్టులోనైనా అతడికి చోటివ్వాలని అభిప్రాయం వ్యక్తం చేశాడు.
