పాక్ క్రికెట్ జట్టు కోచ్ రేసులో ఆ దేశ మాజీ క్రికెటర్ మిస్బావుల్ హక్ ముందు వరుసలో ఉన్నాడు. ప్రస్తుత కోచ్ మిక్కీ ఆర్థర్ పదవీకాలం ముగియడం వల్ల నూతన కోచ్ ఎంపిక చేపట్టింది పీసీబీ.
ప్రపంచకప్లో పేలవ ప్రదర్శనపై అసంతృప్తి వ్యక్తం చేసిన బోర్డు సభ్యులు... కోచ్ సహా పలు పదవుల్లో కొత్తవారిని నియమించనున్నట్లు ప్రకటించారు. ప్రధాన కోచ్ ఆర్థర్, బౌలింగ్ కోచ్ అజహర్ మొహ్మద్, బ్యాటింగ్ కోచ్ గ్రాంట్ ఫ్లావర్ల కాంట్రాక్టులను పునరుద్ధరించట్లేదని బుధవారం ప్రకటన విడుదల చేశారు.
2010లో స్పాట్ ఫిక్సింగ్ వివాదంతో గాడి తప్పిన పాకిస్థాన్ జట్టును కెప్టెన్‌గా మిస్బావుల్ చక్కదిద్దాడు. 45 ఏళ్ల ఈ క్రికెటర్‌కు కోచ్గా బాధ్యతలు అప్పగించి.. వచ్చే ఏడాది టీ20 ప్రపంచకప్ సమయానికి యువజట్టులో నిలకడ తీసుకురావాలని యోచిస్తోంది పీసీబీ. పాకిస్థాన్ తరఫున 75 టెస్టులు, 162 వన్డేలు ఆడాడు మిస్బావుల్.
ఇవీ చూడండి...మళ్లీ ఫిక్సింగ్ కలకలం.. మన్సూర్-అక్మల్ వివాదం
