ఫిట్ ఇండియా ఉద్యమంలో భాగంగా ప్రధాని నరేంద్ర మోదీకి తన ఫిట్నెస్ రహస్యాన్ని వెల్లడించాడు టీమ్ఇండియా కెప్టెన్ కోహ్లీ. ప్రతిరోజు డైట్ పాటిస్తూ, కసరత్తులు చేయడమే తాను ఫిట్గా ఉండటానికి కారణమని చెప్పాడు. మనసులో గట్టి సంకల్పం ఉంటే ఫలితాలు సానుకూలంగా ఉంటాయని తెలిపాడు.
"ప్రతిఒక్కరు శారీరకంగా అలిసిపోతారు. కానీ ప్రతిరోజూ సరైనా డైట్ పాటిస్తూ వర్కౌట్ చేస్తే దాన్ని అధిగమించొచ్చు. నేను క్రమం తప్పకుండా శరీరానికి సంబంధించి అన్ని జాగ్రత్తలు పాటిస్తాను. ప్రస్తుత పరిస్థితుల్లో చాలా మందిలో ఇది కొరవడుతుంది. మానసిక, శారీరక ఆరోగ్యం మధ్య సమతుల్యం పాటించడం అవసరం. కాబట్టి అందరూ దీనిని అనుసరించాలని నా సూచన"
-కోహ్లీ, టీమ్ఇండియా సారథి
"జట్టుకు కెప్టెన్ అయిన మీరు, యో-యో టెస్ట్ చేయించుకుంటారా" అని మోదీ కోహ్లీని అడిగారు.
"ఫిట్నెస్ దృష్టితో చూస్తే యో-యో పరీక్ష చాలా ముఖ్యం. ప్రపంచస్థాయి పరంగా చూస్తే మా జట్టు స్థాయి ఇప్పటికీ కొంచెం తక్కువే. దానిని అన్ని విధాలా పెంచుకోడానికి ప్రయత్నిస్తున్నాం. ఇది ప్రాథమిక అవసరం. ఈ టెస్టుకు నేనూ హాజరవుతా. ఈ పరీక్షలో విఫలమైతే గేమ్లో ఉండను. ఈ పరీక్ష ప్రతి ఆటగాడికి అవసరం"
-కోహ్లీ, టీమ్ఇండియా సారథి
దేశ పౌరులంతా సంపూర్ణ ఆరోగ్యంతో ఉండాలనే ధ్యేయంతో జాతీయ క్రీడా దినోత్సవం సందర్భంగా 'ఫిట్ ఇండియా ఉద్యమాన్ని ప్రధాని నరేంద్ర మోదీ, గతేడాది ప్రారంభించారు. సెప్టెంబరు 24(ఇవాళ)తో ఏడాది పూర్తయిన సందర్భంగా ఫిట్నెస్ ఔత్సాహికులు, శిక్షకులతో గురువారం వర్చువల్ సమావేశం ద్వారా మోదీ ముచ్చటించారు. ఇందులో భాగంగానే కోహ్లీతో మాట్లాడారు.
ఐపీఎల్ 13వ సీజన్తో తన తొలి మ్యాచ్తో సన్రైజర్స్ హైదరాబాద్పై విజయం సాధించింది కోహ్లీ సారథ్యంలోని బెంగళూరు జట్టు.. తర్వాతి మ్యాచ్లో నేటి(సెప్టెంబరు 24) సాయంత్రం పంజాబ్ జట్టుతో తలపడనుంది.
ఇదీ చూడండి ధోనీ స్టామినా ఏంటో ప్రపంచానికి తెలిసిన రోజు!
