ఇంగ్లాండ్-ఆస్ట్రేలియా మధ్య జరిగిన మ్యాచ్లో ఆసీస్ 251 పరుగుల తేడాతో ఘనవిజయం సాధించింది. అయితే ఈ మ్యాచ్లో అంపైర్ల తప్పిదాలు చర్చనీయాంశంగా మారాయి. అంపైరింగ్పై అభిమానుల విమర్శలు తారస్థాయికి చేరాయి. తాజాగా యాషెస్లో అంపైర్గా ఉన్న జోయల్ విల్సన్ వికీపీడియాను గుర్తు తెలియని వ్యక్తులు ఎడిట్ చేశారు.
ఇరుజట్ల మధ్య జరిగిన మొదటి టెస్ట్ మ్యాచ్లో అంపైర్ జోయల్ విల్సన్ అనేక తప్పుడు నిర్ణయాలు ఇవ్వడం అభిమానులకు ఆగ్రహం కలిగించింది. అంధుడిగా పేర్కొంటూ అవమానకర ట్వీట్లు చేశారు నెటిజన్లు.
"జోయల్ విల్సన్ ట్రినిటాగ్ అండ్ టొబాగో నుంచి వచ్చిన ఒక అంధ(బ్లైండ్) అంతర్జాతీయ క్రికెట్ అంపైర్. ప్రస్తుతం ఇతడు వెస్టిండీస్ తరఫున ఐసీసీ ఎలైట్ ప్యానెల్లో ఉన్నాడు. మూడు ఫార్మాట్లలోనూ అంపైర్గా కొనసాగుతున్నాడు" ఈ విధంగా వికీపీడియాలో ఎడిట్ చేశారు గుర్తు తెలియని అభిమానులు.
కొంత సేపటి తర్వాత అంధ (బ్లైండ్) అనే పదం తొలగించినా.. మరో విధంగా ఎడిట్ చేశారు.
"జోయల్ షెల్డన్ విల్సన్ ఒక అంతర్జాతీయ క్రికెట్ అంపైర్ కాదు. ప్రస్తుతం ఇతడు వెస్టిండీస్ తరఫున ఐసీసీ ఎలైట్ ప్యానెల్లో ఉన్నాడు. మూడు ఫార్మాట్లలోనూ అంపైర్గా కొనసాగుతున్నాడు". అంటూ ఎడిట్ చేశారు.
ఇంగ్లాండ్-ఆస్ట్రేలియా మధ్య జరిగిన యాషెస్ తొలి టెస్టుకు అలీం దార్, జోయల్ విల్సన్ అంపైర్లుగా వ్యవహరించారు. వీరిద్దరూ తప్పుడు నిర్ణయాలు తీసుకున్నారు. కామెంటేటర్లూ వీరి నిర్ణయాలను తప్పుబట్టారు. ఈ మ్యాచ్లో ఆసీస్ 251 పరుగుల తేడాతో విజయం సాధించింది.
ఇవీ చూడండి.. వెటోరీ జెర్సీ రిటైర్: కివీస్ క్రికెట్ బోర్డు
