టీమ్ఇండియా కెప్టెన్ విరాట్ కోహ్లీతో పోలిస్తే ఆస్ట్రేలియా క్రికెటర్ స్మిత్ పిల్లాడని అభిప్రాయపడ్డాడు భారత బౌలర్ శ్రీశాంత్. వారిద్దరి పోల్చి చూడటం సరికాదని అన్నాడు. లాక్డౌన్తో ఇంట్లోనే ఉన్న ఇతడు.. 'ఈటీవీ భారత్'తో ప్రత్యేకంగా మాట్లాడాడు. ఈ సందర్భంగా విదేశీ లీగుల్లో ఆడటం, తన ఏడేళ్ల నిషేధం తదితర విషయాలు గురించి మాట్లాడాడు.
ఆస్ట్రేలియా క్రికెటర్లు నచ్చరు
నేను కోహ్లీనే పెవిలియన్కు పంపాలని అనుకుంటాను. ఎందుకంటే విరాట్తో పోలిస్తే స్మిత్ పిల్లాడు. వారిద్దరిని పోల్చి చూడటం సరికాదు. కోహ్లీ స్థాయి వేరు. నేను అసలు ఆస్ట్రేలియా క్రికెటర్లకు మద్ధతుగా నిలవను. అది పాంటింగ్, స్మిత్ ఎవరైనా సరే. ఒకవేళ బుమ్రా, స్మిత్లతో ఎవరి బ్యాటింగ్ బాగుంది అంటే బుమ్రానే ఎంచుకుంటాను.
అఫ్రిదినీ ఔట్ చేయలేకపోయా
ఏ జట్టుతో ఆడినా సరే, కెప్టెన్ను ఔట్ చేయాలనుకుంటా. కానీ పాకిస్థాన్తో తలపడినప్పుడు మాత్రం ఆఫ్రిదినీ ఔట్ చేయలేకపోయా. అతడు బ్యాటింగ్కు దిగేసరికి, బౌలింగ్ చేస్తానని ఇర్ఫాన్ పఠాన్ ధోనీని అడిగేవాడు. దాంతో నాకు అవకాశం దక్కేదికాదు.
విదేశీ లీగుల్లో ఆడాలని అనుకుంటున్నా
నేను విదేశీ లీగుల్లో ఆడటమనేది బీసీసీఐ చేతుల్లోనే ఉంది. కేరళ క్రికెట్ అసోసియేషన్ నాకు మద్ధతు ఇస్తోంది. కానీ దాదా ఏం చెబితే అదే చేస్తాను. ఒకవేళ అతడు ఒప్పుకుంటే మాత్రం అంతకంటే ఆనందం లేదు. ఇంగ్లాండ్లో 'ద హండ్రెడ్'తో పాటు న్యూజిలాండ్, కరీబియన్ దేశాల్లోని లీగులు ఉన్నాయి. దేశవాళీల తర్వాత అందులో అవకాశాలు వస్తే ఇక్కడి చాలామంది క్రికెటర్లకు అది మంచి విషయమే.
ఏడేళ్ల నిషేధంపై చింతించడం లేదు
అందరికీ ఈ సందర్భంగా ఓ విషయం చెప్పాలని అనుకుంటున్నా. నిషేధం విషయంలో చింతించాల్సిన అవసరం లేదు. కొన్నిసార్లు నా తప్పులేకపోయినా, విపత్కర పరిస్థితులు ఎదుర్కోవాల్సి వచ్చింది. అయితే దీని వల్ల నాపై నాకు చాలా నమ్మకం వచ్చింది. ఆ సమయంలోనే నాకు అండగా ఎవరు ఉన్నారు, ఎవరు లేరు అనే విషయం తెలిసింది.
ఇవీ చదవండి:
