టీమ్ఇండియా మాజీ క్రికెటర్ యువరాజ్ సింగ్ను తిరిగి మైదానంలో చూడటాన్ని అభిమానులు ఇష్టపడతారని మరో మాజీ ఆటగాడు గౌతమ్ గంభీర్ అన్నాడు. ఇటీవలే యూవీ తన రిటైర్మెంట్ను వెనక్కి తీసుకోవాలని నిర్ణయించుకున్నట్లు ప్రకటించాడు. ఈ సందర్భంగా ఓ మీడియాతో మాట్లాడిన గంభీర్.. తన అభిప్రాయాలు వెల్లడించాడు.
యువరాజ్ తిరిగి వస్తానంటే.. 'సాదర స్వాగతం' అంటూ గంభీర్ పేర్కొన్నాడు. అయితే, అతను ఎవరి కోసం ఆడాలనుకుంటున్నాడో నిర్ణయించుకోవాలని సూచించాడు.
యూవీ, గంభీర్.. టీమ్ఇండియా 2011 ప్రపంచ కప్ విజేతగా నిలవడంలో, 2007 టీ20 ప్రపంచకప్ విజయంలో కీలక పాత్ర పోషించారు.
గతేడాది రిటైర్మెంట్ ప్రకటించిన యువరాజ్.. భారత్ తరఫున 40 టెస్టులు, 304 వన్డేలు, 58 టీ20లు ఆడాడు. ఇందులో వరుసగా 1900, 8701, 1177 చొప్పున పరుగులు సాధించాడు.
