ఇంగ్లాండ్ బౌలర్ జేమ్స్ అండర్సన్ అరుదైన ఘనత సాధించాడు. దక్షిణాఫ్రికాతో జరుగుతున్న తొలి టెస్టు రెండు ఇన్నింగ్స్ల్లోనూ మొదటి ఓవర్లోనే వికెట్ తీసి ఆకట్టుకున్నాడు. ఈ మ్యాచ్ అతడి కెరీర్లో 150వది కావడం విశేషం.
మొదటి ఇన్నింగ్స్లో దక్షిణాఫ్రికా ఓపెనర్ డీన్ ఎల్గర్ను డకౌట్గా పెవిలియన్ పంపాడు. మొదటి బంతికే అతడిని ఔట్ చేసి ప్రతాపం చూపాడు. రెండో ఇన్నింగ్స్లోనూ మొదటి ఓవర్ ఐదో బంతికే ప్రొటీస్ మరో ఓపెనర్ మార్క్రమ్ను ఎల్బీడబ్ల్యూ చేశాడు.
మొదట బ్యాటింగ్ చేసిన దక్షిణాఫ్రికా తొలి ఇన్నింగ్స్లో 284 పరుగులకు ఆలౌటైంది. వికెట్ కీపర్ బ్యాట్స్మన్ డికాక్ 95 పరుగులతో ఆకట్టుకోగా.. మిగతా వారు పెద్దగా రాణించలేదు. ఇంగ్లీష్ బౌలర్లు బ్రాడ్, సామ్ కరన్ చెరో నాలుగు వికెట్లు ఖాతాలో వేసుకున్నారు. అనంతరం బ్యాటింగ్కు దిగిన ఇంగ్లీష్ జట్టు తొలి ఇన్నింగ్స్లో 181 పరుగులకే కుప్పకూలింది. ఫిలాండర్ 4, రబాడా 3 వికెట్లతో ఇంగ్లాండ్ను దెబ్బతీశారు.
అనంతరం రెండో ఇన్నింగ్స్ మొదలు పెట్టిన దక్షిణాఫ్రికా రెండో రోజు ఆటముగిసే సమయానికి 4 వికెట్ల నష్టానికి 72 పరుగులు చేసింది. ఇంగ్లాండ్పై ప్రస్తుతం 175 పరుగుల ఆధిక్యంలో ఉంది. డుస్సెన్(17), ఆన్రిచ్(4) క్రీజులో ఉన్నారు. ఆర్చర్ 2.. బ్రాడ్, అండర్సన్ చెరో వికెట్ తీశారు.
ఇదీ చదవండి: వైరల్: జకోకు ఎలా ఎగరాలో నేర్పిస్తున్న రొనాల్డో
