ఇంగ్లాండ్, వెస్టిండీస్ జట్ల మధ్య ఓల్డ్ ట్రాఫోర్డ్ వేదికగా జరుగుతోన్న రెండో టెస్టు సిరీస్ నాలుగో రోజు ఊహించని సంఘటన జరిగింది. ఇంగ్లాండ్ క్రికెటర్ డొమినిక్ సిబ్లే అనుకోకుండా బంతిపై లాలాజలం ఉపయోగించాడు. దీంతో అక్కడే ఉన్న అంపైర్లు అప్రమత్తమై బంతికి శానిటైజేషన్ చేయాల్సి వచ్చింది. అంపైర్ మైఖేల్ గోఫ్ ఓ టిష్యూ పేపర్ తీసుకొని బంతికి ఇరువైపులా శుభ్రం చేశాడు.
కరోనా వ్యాప్తి నేపథ్యంలో క్రికెట్లో బంతి మెరుపు కోసం లాలాజలం వినియోగాన్ని నిషేధించాలని ఐసీసీ గతంలో ఆదేశించింది. అయితే, చెమటను ఉపయోగించొచ్చని పేర్కొంది. ఐసీసీ నిబంధనల ప్రకారం మ్యాచ్ సమయంలో బంతిపై అనుకోకుండా లేదా ఉద్దేశపూర్వకంగా కానీ.. లాలాజలం ఉపయోగించిన సందర్భంలో సంబంధిత జట్టును ముందుగా హెచ్చరిస్తారు. అలా రెండు సార్లు వార్నింగ్ ఇచ్చిన అనంతరం వినకపోతే.. జరిమానా కింద ఐదు పరుగుల కోత విధిస్తారు.
ఇదీ చూడండి:'ధోనితో పోలిస్తే గంగూలీ ఆ విషయంలో ఉత్తమం'
