ఉపఖండ జట్ల మధ్య తొలి పోరు.. గెలుపెవరిది..?

కార్డిఫ్ వేదికగా మంగళవారం అఫ్గానిస్థాన్- శ్రీలంక మధ్య ప్రపంచకప్​ మ్యాచ్​ జరగనుంది. గత మ్యాచ్​ల్లో ఓడిన ఈ రెండు జట్లు తొలి విజయం సాధించాలని ఊవిళ్లూరుతున్నాయి.

ప్రపంచకప్​లో ఉపఖండ జట్ల మధ్య మొదటి మ్యాచ్​ జరగనుంది. కార్డిఫ్ వేదికగా మంగళవారం శ్రీలంక- అఫ్గానిస్థాన్ తలపడనున్నాయి. టోర్నీలో బోణీ కొట్టేందుకు వ్యూహాలు రచిస్తున్నాయి .

తన తొలి మ్యాచ్​లో శ్రీలంక న్యూజిలాండ్​పై చిత్తుగా ఓడిపోయింది. కెప్టెన్ కరుణరత్నే మినహా మరెవరూ రాణించలేకపోయారు. శ్రీలంక బౌలర్ల వైఫల్యంతో నిర్దేశించిన 137 పరుగుల లక్ష్యాన్ని 16 ఓవర్లలోనే ఛేదించింది న్యూజిలాండ్. ​అన్ని విభాగాల్లో రాణించి అఫ్గాన్​ ​ జట్టుపై గెలవాలని లంక ఆశిస్తోంది.

శ్రీలంక క్రికెట్ జట్టు

గత మ్యాచ్​లో ఆస్ట్రేలియా చేతిలో ఏడు వికెట్ల తేడాతో ఓడింది అఫ్గానిస్థాన్. కానీ ఈ రోజు శ్రీలంకపై గెలిచి తానెంటో నిరూపించుకోవాలని ఆరాటపడుతోంది. రషీద్​ఖాన్, నబీ, ముజీబుర్ రెహ్మాన్ అస్త్రాలను సిద్ధం చేసుకుంటున్నారు. బ్యాట్స్​మెన్ నెట్స్​లో తీవ్రంగా శ్రమిస్తున్నారు.

అఫ్ఘానిస్థాన్ క్రికెట్ జట్టు

జట్లు(అంచనా)

అఫ్గానిస్థాన్:

హమీద్ హసన్, గుల్బాదీన్ నైబ్(కెప్టెన్), షెహజాద్, హజ్రాతుల్లా, రహ్మత్ షా, హస్మతుల్లా షాహిదీ, నజీబుల్లా జద్రాన్, నబీ, రషీద్ ఖాన్, దవలత్ జద్రాన్, ముజీబుర్ రెహ్మాన్

శ్రీలంక:
లసిత్ మలింగ, మాథ్యూస్, సురంగ లక్మల్, ఉదానా, తిసారా పెరీరా, తిరిమన్నె, జీవన్ మెండిస్, ధనుంజయ డిసిల్వా, దిముత్ కరుణరత్నే(కెప్టెన్), కుశాల్ పెరీరా, కుశాల్ మెండిస్

ఇది చదవండి: లంకపై పది వికెట్ల తేడాతో కివీస్​ ఘనవిజయం