వాళ్లు నన్ను ప్రేమగానే పిలిచారు: సామి

ఐపీఎల్​లో తనపై జాతివివక్ష కామెంట్లు చేశారని సామాజిక మాధ్యమాల్లో నిరసన చేపట్టిన వెస్టిండీస్​ మాజీ కెప్టెన్​ డారెన్​ సామి.. తాజాగా ఈ వివాదంపై స్పష్టతనిచ్చాడు. వారు తనను ప్రేమగానే ఆ పేరుతో పిలిచినట్లు వెల్లడించాడు. తనను అలా పిలిచిన వాళ్లలో ఒకరు ఫోను చేసి మాట్లాడినట్లు తెలిపాడు.

ఐపీఎల్‌లో సన్‌రైజర్స్‌ హైదరాబాద్‌ తరఫున ఆడేటప్పుడు వర్ణవివక్ష ఎదుర్కొన్నానని ఇటీవల ఆరోపణలు చేసిన వెస్టిండీస్ మాజీ సారథి డారెన్‌ సామి తాజాగా ఆ వివాదంపై స్పష్టతనిచ్చాడు. తనని అలా ప్రత్యేక పదంతో పిలిచిన వారిలో ఒకరితో మాట్లాడానని చెప్పాడు. అప్పుడు వాళ్లు ప్రేమ పూర్వకంగానే అలా పిలిచారని తనతో చెప్పినట్లు వివరించాడు.

సామి.. ఇటీవల సామాజిక మాధ్యమాల్లో ఓ వీడియో పోస్టు చేస్తూ తనతో పాటు శ్రీలంక ఆటగాడు తిసార పెరెరాను సన్​రైజర్స్​ ఆటగాళ్లు వర్ణవివక్ష పదజాలంతో పిలిచారని తీవ్ర ఆరోపణలు చేశాడు. తాజాగా ట్విట్టర్​లో మరో పోస్టు చేసి దానిపై స్పందించాడు.

• I’m please to say that I’ve had a really interesting conversation with one of the guys and we are looking at ways to educate rather than focusing on the negatives. My brother reassured me that he operated from a place of love 💕 and I believe him. 🙏🏾🙏🏾🙏🏾

  — Daren Sammy (@darensammy88) June 11, 2020 " class="align-text-top noRightClick twitterSection" data="

  I’m please to say that I’ve had a really interesting conversation with one of the guys and we are looking at ways to educate rather than focusing on the negatives. My brother reassured me that he operated from a place of love 💕 and I believe him. 🙏🏾🙏🏾🙏🏾

  — Daren Sammy (@darensammy88) June 11, 2020

  ">

  I’m please to say that I’ve had a really interesting conversation with one of the guys and we are looking at ways to educate rather than focusing on the negatives. My brother reassured me that he operated from a place of love 💕 and I believe him. 🙏🏾🙏🏾🙏🏾

  — Daren Sammy (@darensammy88) June 11, 2020

"నన్ను అలా పిలిచినవారిలో ఒకరితో మాట్లాడాను. ఈ విషయం చెప్పడానికి సంతోషంగా ఉంది. మా ఇద్దరి మధ్య ఆసక్తికర సంభాషణ జరిగింది. అయితే, వర్ణవివక్షపై దుష్ప్రచారాలు మానేసి, అందరికీ అవగాహన కల్పించాలని అనుకున్నాం. నా సోదరుడు అప్పుడు ప్రేమ పూర్వకంగా అలా పిలిచాడని పూర్తి భరోసా ఇచ్చాడు. అతడిని నమ్ముతున్నా".

- డారెన్​ సామి, వెస్టిండీస్​ మాజీ కెప్టెన్​

సామిని అలా పిలిచిన వారిలో టీమ్‌ఇండియా పేసర్‌ ఇషాంత్‌ శర్మ ఉన్నాడు. అతడు 2014 మే 14న ఇన్‌స్టాలో ఒక ఫొటో పోస్టు చేశాడు. అందులో ఇషాంత్‌, భువనేశ్వర్‌ కుమార్, సామి, డేల్‌ స్టెయిన్‌ ఉన్నారు. ఈ సందర్భంగా వారి పేర్లను పేర్కొంటూ సామి పేరుకు బదులు ఆ ప్రత్యేక పదాన్ని ఉపయోగించాడు.

అమెరికాలో ఇటీవల జార్జ్‌ ఫ్లాయిడ్‌ అనే ఆఫ్రికన్‌ అమెరికన్‌పై ఓ పోలీస్‌ అధికారి తన ప్రతాపం చూపించడం వల్ల అతను మృతిచెందాడు. దీంతో ప్రపంచవ్యాప్తంగా నిరసనలు వ్యక్తమయ్యాయి. ఈ నేపథ్యంలోనే సామి స్పందిస్తూ క్రికెట్‌లోనూ తాను వర్ణ వివక్ష ఎదుర్కొన్నానని వివాదానికి తెరలేపాడు.

ఇదీ చూడండి... ప్రేక్షకుల సమక్షంలోనే భారత్​-ఆసీస్ సిరీస్!