బిగ్బాష్ లీగ్లోని ఆటగాళ్ల భద్రతా దృష్ట్యా క్రికెట్ ఆస్ట్రేలియా(సీఏ) కట్టుదిట్టమైన నిబంధనలు ప్రవేశపెట్టింది. హెయిర్ కట్ కోసం ఆటగాళ్లు బయోబబుల్ను దాటి బయటకు వెళ్లకుండా నిషేధం విధించింది. సిడ్నీలో కరోనా విజృంభిస్తున్న నేపథ్యంలో ఈ తరహా ఆంక్షలు విధించింది.
క్వీన్స్లాండ్లో బిగ్బాష్ నిబంధనల ప్రకారం.. హెయిర్ కట్ లాంటి వ్యక్తిగత పనులు కోసం బయటకు వెళ్లేందుకు ఆటగాళ్లకు అనుమతి లేదు. తప్పనిసరి పరిస్థితుల్లో ఆ అవసరాల కోసం ఇతరులను లోపలకు అనుమతి ఇస్తే మాస్కులు ధరించాలని స్పష్టం చేసింది. బయట నుంచి వచ్చే ఆహార పదార్థాలపై ఆంక్షలు విధించింది ఆసీస్ బోర్డు.
