టెస్టుల్లో అతితక్కువ బౌలింగ్ సగటును నెలకొల్పిన బౌలర్గా టీమ్ఇండియా పేసర్ జస్ప్రీత్ బుమ్రా ఘనత సాధించాడు. ఆడిన 16 టెస్టుల్లో 20.68 సగటుతో 76 వికెట్లను పడగొట్టి ఈ రికార్డును దక్కించుకున్నాడు. ఫలితంగా టెస్టు క్రికెట్లో అతి తక్కువ బౌలింగ్ యావరేజ్ నమోదు చేసిన బౌలర్ల జాబితాలో అగ్రస్థానానికి చేరుకున్నాడు.
ఆ తర్వాతి స్థానంలో వెస్టిండీస్ మాజీ బౌలర్ మాల్కం మార్షల్.. 81 టెస్టుల్లో 20.94 సగటుతో 376 వికెట్లను పడగొట్టాడు. మూడో స్థానంలో అదే జట్టుకు చెందిన జోయెల్ గార్నర్ 58 టెస్టుల్లో 20.97 సగటుతో 259 వికెట్లను సాధించాడు. అలాగే నాలుగో స్థానంలో కర్ట్లీ అంబోర్సే (98 టెస్టులు, 20.99 సగటు, 405 వికెట్లు), ఐదో స్థానంలో ఆస్ట్రేలియన్ పేసర్ పాట్ కమిన్స్ (32 టెస్టులు, 21.51 యావరేజ్, 153 వికెట్లు), ఆరో స్థానంలో గ్లెన్ మెక్గ్రాత్ (124 మ్యాచ్లు, 21.64 సగటు, 563 వికెట్లు) ఉన్నారు.
ఆస్ట్రేలియాతో ఆడుతున్న టెస్టు సిరీస్లో బుమ్రా ఆడిన రెండు మ్యాచ్ల్లో 8 వికెట్లు పడగొట్టాడు.
ఇదీ చూడండి: టీమ్ఇండియాకు లక్కీ స్టేడియం.. మెల్బోర్న్!
