వెస్టిండీస్తో సొంతగడ్డపై జరిగే పరిమిత ఓవర్ల సిరీస్కు, భారత జట్టును గురువారం ప్రకటించింది సెలక్షన్ కమిటీ. వన్డే సిరీస్కు రోహిత్ దూరమవుతాడన్న ఊహాగానాలకు తెరదించుతూ, అతడు జట్టులో చోటు దక్కించుకున్నాడు. ధావన్, కేఎల్ రాహుల్ తమ స్థానాల్ని నిలుపుకున్నారు. పంత్కే మరోసారి అవకాశమివ్వగా, సంజు శాంసన్కు చుక్కెదురైంది. కొన్ని నెలల విశ్రాంతి తర్వాత భువీ మళ్లీ మైదానంలోకి అడుగుపెడుతున్నాడు.
వన్డేలు, టీ20లకు దాదాపు ఒకే జట్టు ఉండగా... పొట్టి ఫార్మాట్ మ్యాచ్లకు కేదార్ జాదవ్ బదులు వాషింగ్టన్ సుందర్ చోటు దక్కించుకున్నాడు.
వన్డే జట్టు
విరాట్ కోహ్లీ(కెప్టెన్), రోహిత్ శర్మ, శిఖర్ ధావన్, కేఎల్ రాహుల్, రిషబ్ పంత్, మనీశ్ పాండే, శ్రేయస్ అయ్యర్, కేదార్ జాదవ్, రవీంద్ర జడేజా, శివమ్ దూబే, యజువేంద్ర చాహల్, కుల్దీప్ యాదవ్, మహ్మద్ షమి, దీపక్ చాహర్, భువనేశ్వర్ కుమార్.
టీ20 జట్టు
విరాట్ కోహ్లీ(కెప్టెన్), రోహిత్ శర్మ, కేఎల్ రాహుల్, శిఖర్ ధావన్, రిషబ్ పంత్, మనీశ్ పాండే, శ్రేయస్ అయ్యర్, శివమ్ దూబే, జడేజా, వాషింగ్టన్ సుందర్, చాహల్, కుల్దీప్, దీపక్ చాహర్, భువనేశ్వర్, షమి.
ఇవే వేదికలు...
ఈ పర్యటనలో భాగంగా వెస్టిండీస్తో భారత్.. మూడు టీ20లు, మూడు వన్డేలు ఆడనుంది. ముంబయి (డిసెంబరు 6), తిరువనంతపురం (డిసెంబరు 8)లో తొలి రెండు టీ20లు జరగనున్నాయి. డిసెంబరు 11న జరిగే ఆఖరి టీ20కి హైదరాబాద్‌ ఆతిథ్యమివ్వనుంది. డిసెంబరు 15న చెన్నైలో వన్డే సిరీస్ మొదలవుతుంది. రెండో మ్యాచ్ విశాఖపట్నం (డిసెంబరు 18)లో, మూడో మ్యాచ్ కటక్‌ (డిసెంబరు 22)లో జరుగుతాయి.
