ఏబీ డివిలియర్స్.. తనదైన విధ్వంసకర ఆటతో ఎంతోమంది అభిమానులను సంపాదించున్నాడు. ఐపీఎల్లో బెంగళూరుకు ఆడే ఏబీకి ఇక్కడా మంచి ఫాలోయింగ్ ఉంది. ఇప్పటికే పలు విదేశీ లీగుల్లో పాల్గొన్న ఈ ఆటగాడు బిగ్బాష్ లీగ్లో సత్తాచాటేందుకు సిద్ధమయ్యాడు. 2019-20 సీజన్కు సంబంధించి బ్రిస్బేన్ హిట్స్తో ఒప్పందం కుదుర్చుకున్నాడు.
"డివిలియర్స్‌తో కలిసి తొలిసారి పనిచేసే అవకాశం లభించింది. వరల్డ్‌క్లాస్‌ ప్లేయర్ మా జట్టుతో కలవడం సంతోషంగా ఉంది."
-డారెన్ లీమన్, బ్రిస్బేన్ కోచ్
గతేడాది అంతర్జాతీయ క్రికెట్కు వీడ్కోలు పలికిన డివిలియర్స్ 114 టెస్టులు, 228 వన్డేలు, 78 టీ20లు ఆడాడు. దక్షిణాఫ్రికా తరఫున 14 ఏళ్ల సుదీర్ఘ కెరీర్‌లో ఎన్నో ఘనతల్ని సాధించాడు. ఈ ఏడాది ఐపీఎల్లో 442 పరుగులు చేశాడు.
