గాయం కారణంగా జట్టుకు దూరమయ్యాడు టీమిండియా ఆల్రౌండర్ హార్దిక్ పాండ్య. ప్రస్తుతం గాయం నుంచి కోలుకున్నా ఫిట్నెస్ లేని కారణంగా న్యూజిలాండ్ పర్యటనకు సెలక్టర్లు ఇతడిని ఎంపిక చేయలేదు. దీనిపై స్పందించాడు మాజీ బౌలర్ జహీర్ ఖాన్. జట్టులోకి పునరాగమనంపై ఎక్కువగా ఆలోచించొద్దని పాండ్యకు సలహా ఇచ్చాడు.
"ఐపీఎల్కు ఇంకా సమయముంది. అప్పటివరకు హార్దిక్ ఫిట్నెస్ సాధిస్తాడని అనుకుంటున్నా. ఏ ఆటగాడైనా గాయపడితే ఎప్పుడు జట్టులోకి వస్తామనే విషయం కాకుండా ఎలా జట్టులోకి రావాలా అని ఆలోచిస్తుంటాడు. ఈ సమయంలో ఓపికగా ఉండటం ముఖ్యం. జట్టు, సహాయ సిబ్బంది, డాక్టర్, ఫిజియో, ట్రైనర్ చెప్పిన విషయాల్ని పాటించాలి."
-జహీర్ ఖాన్, టీమిండియా మాజీ పేసర్
న్యూజిలాండ్లో జరిగిన టీ20 సిరీస్ను 5-0తో గెలవడం చాలా గొప్ప విషయమని అన్నాడు జహీర్. కివీస్ గడ్డపై వన్డే సిరీస్ రూపంలో కోహ్లీసేనకు కఠిన సవాలు ఎదురుకానుందని చెప్పాడు. ఇదే జోరును కొనసాగించి వన్డే, టెస్టు సిరీస్లను కైవసం చేసుకోవాలని సూచించాడు.
ఇవీ చూడండి.. ధోనీ అందుకే ఉత్తమ కెప్టెన్: రోహిత్
