భారత క్రికెట్ బోర్డు అనుమతి లేకుండా అబుదాబి టీ20 లీగ్లో ఆడిన భారత క్రికెటర్ రింకూ సింగ్ మూడు నెలల నిషేధానికి గురయ్యాడు. అదే విధంగా ఇండియా 'ఏ' జట్టులో స్థానం కోల్పోయాడీ ఉత్తరప్రదేశ్ బ్యాట్స్మెన్. జూన్ 1 నుంచి ఈ నిషేధం అమల్లోకి రానుంది. ఐపీఎల్లో కోల్కతా నైట్రైడర్స్కు ప్రాతినిధ్యం వహించాడు రింకూ.
కరీబియన్ ప్రీమియర్ లీగ్లో ఆడేందుకు ఆసక్తి చూపిస్తున్న ఇర్ఫాన్ పఠాన్ను బీసీసీఐ హెచ్చరించింది. మారిషస్ టీ20 లీగ్లో పాల్గొన్న టీమిండియా అండర్-19 కెప్టెన్ అనుజ్ రావత్పై మాత్రం ఎటువంటి చర్యలు తీసుకోలేదు.
"అబుదాబి టీ20 లీగ్లో ఆడిన రింకూ సింగ్.. బీసీసీఐ అనుమతి తీసుకోలేదు. ఇది భారత క్రికెట్ కంట్రోల్ బోర్డు నియమ నిబంధనలు అతిక్రమించడమే. బోర్డులో క్రికెటర్లు విదేశీ లీగ్లో ఆడాలంటే తప్పనిసరిగా అనుమతి తీసుకోవాలి. రింకూ సింగ్ నిబంధనలు ఉల్లంఘించాడు కాబట్టి అతడిపై 3 నెలల తాత్కాలిక నిషేధం విధించాం " -బీసీసీఐ ప్రకటన
"యువ క్రికెటర్లకు ఇది హెచ్చరిక లాంటిది. నియమ నిబంధనలు పాటించకపోతే తీవ్ర పరిణామాలు ఎదుర్కోవాల్సి వస్తుంది. ఇర్ఫాన్ పఠాన్ ఆ టోర్నీలో ఆడేందుకు అవకాశం లేదు" -సభా కరీమ్, బీసీసీఐ అధికారి
ఇది చదవండి: WC19: భారత కెప్టెన్ విరాట్ కోహ్లీకి అరుదైన గౌరవం
