ఆస్ట్రేలియా దిగ్గజ స్పిన్నర్ షేన్ వార్న్కు కరోనా సోకింది. ప్రస్తుతం ఇంగ్లాండ్లో ఉన్న వార్న్.. ఐసోలేషన్లోకి వెళ్లాడు.
ఇంగ్లాండ్లో ప్రస్తుతం 'ది హండ్రెడ్' లీగ్ జరుగుతోంది. అందులో లండన్ స్పిరిట్ జట్టుకు ప్రధాన కోచ్గా వార్న్ వ్యవహరిస్తున్నాడు. పరీక్షల్లో పాజిటివ్గా తేలిన క్రమంలో సథర్న్ బ్రేవ్తో జరిగిన పోరుకు దూరమయ్యాడు.
"కొంత అలసటగా అనిపించి వార్న్ టెస్ట్ చేయించుకున్నాడు. పరీక్షలో పాజిటివ్గా తేలింది. జట్టు నుంచి ఐసొలేట్ అయ్యాడు. జట్టు మేనేజ్మెంట్ బృందంలో ఓ సభ్యుడికి కూడా కరోనా సోకింది. ఆయన కూడా స్వీయ నిర్బంధంలో ఉన్నారు. వార్న్తో సన్నిహితంగా ఉన్న జట్టు సిబ్బందిలో ఒకరు పరీక్ష చేయించున్నారు. ఫలితాలు రావాల్సి ఉంది. కాగా జట్టు ఆటగాళ్లపై ఈ ప్రభావం లేదు."
- లండన్ స్పిరిట్ ప్రకటన
లండన్ స్పిరిట్తో జరిగిన పోరులో నాలుగు పరుగుల తేడాతో సథర్న్ బ్రేవ్ గెలిచింది.
ఇదీ చూడండి: ఇంగ్లాండ్తో టెస్టు సిరీస్.. రికార్డులపై కోహ్లీ, రోహిత్ గురి!
