ఐసీసీ టీ20 ప్రపంచకప్ అర్హత టోర్నీలైన సబ్ రీజినల్ యూరప్ క్వాలిఫయర్ టోర్నీలు.. కొవిడ్ కారణంగా రద్దయ్యాయి. ఈ విషయాన్ని అంతర్జాతీయ క్రికెట్ మండలి(ఐసీసీ) అధికారికంగా ప్రకటించింది. 2022లో ఆస్ట్రేలియాలో జరిగే టీ20 ప్రపంచకప్లో పాల్గొనే చివరి రెండు జట్లను ఈ టోర్నీ ద్వారా నిర్ణయిస్తారు.
ఈ ప్రపంచకప్ సబ్ రీజినల్ యూరప్.. ఏ, బీ క్వాలిఫయర్స్ మ్యాచ్ల కోసం ఫిన్లాండ్ ఆతిథ్యమివ్వనుంది. వీటిలో యూరప్ క్వాలిఫయర్స్-బీ మ్యాచ్లు జూన్ 30 నుంచి జులై 5 మధ్య జరగనున్నాయి. క్వాలిఫయర్స్సీ- మ్యాచ్లు జులై 5-10 వరకు తలపెట్టినారు. క్వాలిఫయర్స్-ఏ మ్యాచ్లు జులై 13 వరకు నిర్వహించాల్సింది.
కొవిడ్ కేసుల నేపథ్యంలో ఈ మూడు క్వాలిఫయర్స్ను రద్దు చేయాలని ఐసీసీ నిర్ణయం తీసుకుంది. వీటితో పాటు టీ20 ప్రపంచకప్ అమెరికా క్వాలిఫయర్స్, ఆసియా క్వాలిఫయర్స్ టోర్నీలూ వాయిదా పడ్డాయి.
ఇదీ చదవండి: నాదల్, ఒసాకాను వరించిన ప్రతిష్ఠాత్మక లారస్ అవార్డు
