నాగ్పుర్ స్టేడియంలో బార్డర్ గావస్కర్ ట్రోఫీ ప్రారంభమైంది. గురువారం మొదలైన ఈ టెస్ట్ సిరీస్లో భాగంగా తొలి టెస్టులో ఆస్ట్రేలియాతో రోహిత్ సేన తలపడుతోంది. తొలుట టాస్ గెలిచి బ్యాటింగ్ ఎంచుకున్న ఆసిస్ టీమ్ లంచ్ బ్రేక్ సమయానికి రెండు వికెట్లు కోల్పోయి 76 పరుగులు చేసింది.
ఆసిస్ తరఫున తొలుత బ్యాటింగ్కు దిగిన ఉస్మాన్ ఖవాజా,డేవిడ్ వార్నర్లకు చుక్కలు చూపించారు టీమ్ ఇండియా బౌలర్స్ షమి, సిరాజ్. ఇన్నింగ్స్లోని మొదటి ఓవర్లో మహ్మద్ సిరాజ్ వేసిన తొలి బంతికే ఉస్మాన్ ఖవాజా వికెట్ తీశాడు. ఈ బాల్ ను ఊహించని ఖవాజా లెగ్ సైడ్ ఫ్లిక్ చేయడానికి ప్రయత్నించి విఫలమయ్యాడు. దీంతో బాల్ అతని ప్యాడ్స్కు తగిలింది. అయితే ఇండియన్ ప్లేయర్స్ గట్టిగా అప్పీల్ చేసినా అంపైర్ నాటౌట్ ఇచ్చాడు. దీంతో రివ్యూ తీసుకున్నారు. రీప్లేల్లో బంతి లెగ్ స్టంప్కు తగిలినట్లు స్పష్టంగా తేలింది. దీంతో ఖావాజా స్కోర్ నమోదు చేయకుండానే పెవిలియన్ బాట పట్టాడు.
ఆ తర్వాత ఓవర్లో దిగిన షమి డేవిడ్ వార్నర్ను ఔట్ చేశాడు. నిప్పు గోళంలా దూసుకొచ్చిన ఆ బాల్కు సమాధానం చెప్పలేకపోయాడు వార్నర్. అంతే దెబ్బకు అతని ఆఫ్ స్టంప్ గాల్లోకి ఎగిరింది. దీంతో వార్నర్ షాక్ అయిపోయాడు. అలా తొలి రెండు ఓవర్లల్లోనే ఇద్దరు ఆసిస్ ప్లేయర్స్ను కంగారు పెట్టించి పెవిలియన్ బాట పట్టించిన సిరాజ్ షమీలు ఇప్పుడు సోషల్ మీడియాలో హీరోలైపోయారు. ప్రస్తుతం ఈ వీడియోలు నెట్టింట హల్చల్ చేస్తోంది.
