Stokes out of IPL 2022: ఇంగ్లాండ్ ఆల్రౌండర్ బెన్ స్టోక్స్ తన జట్టు కెప్టెన్ జో రూట్ దారిలోనే నడవాలని నిశ్చయించుకున్నట్లు తెలిసింది. కష్టాల్లో ఉన్న తన జట్టు కోసం ఈ ఏడాది ఐపీఎల్ మెగా వేలంలో పాల్గొనట్లేదని తెలిపాడు రూట్. అతడు నిర్ణయం ప్రకటించిన కొద్దిసేపటిలోనే స్టోక్స్ కూడా ఇదే నిర్ణయం తీసుకున్నట్లు సమాచారం. గతేడాది కూడా గాయం కారణంగా ఐపీఎల్ మధ్యలోనే వైదొలిగాడు స్టోక్స్.
ఇటీవల జరిగిన యాషెస్ సిరీస్లో ఆస్ట్రేలియా చేతిలో ఘోరంగా ఓడిపోయింది ఇంగ్లాండ్. 4-0 తేడాతో సిరీస్ను చేజార్చుకుంది. ఈ నేపథ్యంలోనే తమ జట్టుకు అండగా ఉండాలని స్టోక్స్, రూట్ ఈ నిర్ణయం తీసుకున్నారు.
ఐపీఎల్లో ఈ ఏడాది 10 జట్లు పాల్గొనబోతున్నాయి. అహ్మదాబాద్, లఖ్నవూ ప్రాంఛైజీలకు బీసీసీఐ ఇప్పటికే అధికారిక అనుమతులు ఇచ్చింది. కరోనా కేసులు తగ్గితే టోర్నీని భారత్లోనే నిర్వహించనున్నారు. లేకపోతే విదేశాలకు వెళ్లేలా ప్రణాళికలు రూపొందిస్తున్నారు.
ఇదీ చూడండి: ఇంగ్లాండ్ జట్టు కోసం రూట్ త్యాగం.. ఐపీఎల్కు దూరం
