Bangladesh World Cup 2023 : బరిలోకి బంగ్లా పులులు.. మెగాటోర్నీలో వీరి ప్రభావమెంత?

Bangladesh World Cup 2023 : ప్ర‌పంచ క్రికెట్ చ‌రిత్ర‌లో ఒకప్పుడు పసికూన‌గా పేరొందిన బంగ్లాదేశ్.. రానురాను అనేక సంచ‌ల‌నాలు న‌మోదు చేసింది. ఈ ఏడాది కూడా వ‌న్డే ప్రపంచక‌ప్ బ‌రిలో బంగ్లా ఉండనుంది. ఈ నేప‌థ్యంలో.. ఆ జ‌ట్టులోని కీల‌క ఆట‌గాళ్ల గురించి తెలుసుకుందాం.

Bangladesh World Cup 2023 : ఐసీసీ వ‌న్డే ప్రపంచ కప్ - 2023లో పాల్గొనే 10 జ‌ట్ల‌లో బంగ్లాదేశ్ ఒక‌టి. క్రికెట్​లోకి ప‌సికూనగా ఎంట్రీ ఇచ్చి కొన్ని కొన్ని మేటి జ‌ట్ల‌కు షాక్ లు ఇచ్చి, సంచలన విజయాలు నమోదు చేసింది. ఆయా టోర్నీలు, సిరీస్​ల్లో పెద్ద జ‌ట్ల‌కు ఓట‌మి రుచి చూపించింది. బంగ్లాదేశ్ 1999 ప్ర‌పంచక‌ప్​లో పాకిస్థాన్, 2007​లో భారత్​ను ఓడించి తాము తక్కువేం కాదని ప్రపంచానికి తెలియజేసింది. ఈ జట్టులోని ఆట‌గాళ్లు భారత్, ఇంగ్లాండ్, ఆస్ట్రేలియా వంటి దేశాలకు సైతం గట్టి పోటీ ఇవ్వగలరు. అయితే అక్టోబర్ 7న ప్రపంచకప్​లో బంగ్లాదేశ్.. అఫ్గానిస్థాన్​తో తలపడనుంది. మ‌రి ఈ క్రమంలో టోర్నీలో ప్ర‌భావం చూప‌గ‌ల‌గే సత్తా ఉన్న ఆట‌గాళ్లెవరో చూద్దాం.

• Bangladesh Team Practice at SBNCS (25-09-23) 🏏 🇧🇩#BCB | #Cricket | #BANvNZ pic.twitter.com/5968ePu6ZS

  — Bangladesh Cricket (@BCBtigers) September 25, 2023 " class="align-text-top noRightClick twitterSection" data="

  Bangladesh Team Practice at SBNCS (25-09-23) 🏏 🇧🇩#BCB | #Cricket | #BANvNZ pic.twitter.com/5968ePu6ZS

  — Bangladesh Cricket (@BCBtigers) September 25, 2023

  ">

  Bangladesh Team Practice at SBNCS (25-09-23) 🏏 🇧🇩#BCB | #Cricket | #BANvNZ pic.twitter.com/5968ePu6ZS

  — Bangladesh Cricket (@BCBtigers) September 25, 2023

1. ష‌కిబ్ అల్ హ‌స‌న్‌
   అంతర్జాతీయ క్రికెట్​లో టాప్​ ఆల్ రౌండ‌ర్ల‌లో ష‌కిబ్ ఒక‌డు. బంగ్లాదేశ్​లో కీల‌క ప్లేయ‌రే కాకుండా ప్రస్తుత జట్టుకు కెప్టెన్ కూడా. త‌న ఆల్ రౌండ్ ప్ర‌ద‌ర్శ‌నతో ప్ర‌త్య‌ర్థి జ‌ట్ల‌కు చెమ‌ట‌లు ప‌ట్టించి బంగ్లాకు అనేక విజ‌యాలందించాడు. తన టెక్నిక్​తో బంతిని స్టాండ్స్​లోకి పంపడంలో షకిబ్ దిట్ట‌. ఇప్ప‌టిదాకా 240 వన్డే మ్యాచ్​లు ఆడిన ష‌కిబ్‌.. 7,384 ప‌రుగులు చేశాడు. అటు బౌలింగ్ లో 4.44 ఎకాన‌మీతో 308 వికెట్లు ప‌డ‌గొట్టి.. ఒక దశాబ్దానికిపైగా బంగ్లాదేశ్​లో కీ ప్లేయర్ రోల్ పోషిస్తున్నాడు.
2. ముష్ఫిక‌ర్ ర‌హీమ్
   ముష్ఫిక‌ర్ ర‌హీమ్.. బంగ్లా క్రికెట్ జ‌ట్టులో అనుభవం క‌లిగిన కీల‌క ఆట‌గాడు. కొంతకాలం ముష్ఫిక‌ర్ బంగ్లా జాతీయ జట్టుకు కెప్టెన్​గాన వ్యవహరించాడు. క్రీజులో కుదురుకున్నాక బౌండరీలతో ప్రత్యర్థి జట్టు బౌలర్లపై విరుచుకుప‌డ‌తాడు. నిలకడతో కూడిన ఆటతీరుతో పాటు వికెట్ కీపర్​గానూ జట్టుకు ఎన్నో సేవలందిచాడు. వికెట్ కీపర్​గా ముష్ఫికర్.. అనేక క్యాచ్​లు, స్టంపింగ్స్ చేశాడు. అతడు ఇప్ప‌టి వ‌ర‌కు ఆడిన 256 వన్డేల్లో.. 7406 ప‌రుగులు సాధించాడు. అందులో 9 సెంచ‌రీలు, 46 హాఫ్ సెంచ‌రీలున్నాయి. ఇక త‌న కెరీర్​లో కీపర్​గా 222 క్యాచులు అందుకోగా 55 స్టంపింగ్​లు ,10 ర‌నౌట్లు చేశాడు.
3. ముస్తాఫిజుర్ రహ్మాన్‌..
   కచ్చితత్వంతో కూడిన పేస్​తో అనుకున్న చోట బంతులు వేయగలడు ముస్తాఫిజుర్ రహ్మాన్‌. అతడు పేస్‌తో పాటు.. యార్కర్​లు కూడా సంధిస్తూ వ‌ర‌ల్డ్ క్లాస్ బ్యాటర్లనైనా ఇబ్బంది పెట్టగలడు. ముస్తాఫిజుర్.. క్రికెట్​లో అరంగేట్రం చేసిన కొత్తలో టీమ్ఇండియాలో రోహిత్, విరాట్ వికెట్లు పడగొట్టి వెలుగులోకి వచ్చాడు. వికెట్లు పడగొట్టడమే కాకుండా.. డెత్ ఓవర్లలో ప్రత్యర్థి జట్టు స్కోర్​ను కంట్రోల్ చేయగలడు. ఐపీఎల్​ వల్ల ముస్తాఫిజుర్​కు.. భారత్​ పిచ్​లపైన ఓ అవగాహన కూడా ఉంది. ఇప్ప‌టి వ‌ర‌కు అతడు.. 93 వ‌న్డేల్లో 5.07 ఎకాన‌మీతో 156 వికెట్లు పడగొట్టాడు.
4. మెహిదీ హ‌స‌న్ మిరాజ్‌..
   బంగ్లాదేశ్​ జట్టులో నాణ్యమైన ఆటగాళ్లలో మెహిదీ హ‌స‌న్ మిరాజ్‌ ఒక‌డు. తనదైన రోజున అటు బంతి, ఇటు బ్యాట్​తో చెలరేగిపోతాడు. ఇటీవ‌ల ముగిసిన 2023 ఆసియాక‌ప్ టోర్నీలోనూ.. హసన్​ చెప్పుకోదగ్గ ప్రదర్శనే చేశాడు. భారత్​ పిచ్​లపైనా ఆఫ్ స్పిన్​తో బంతిని గింగిరాలు తిప్పగలడు. 80 వ‌న్డేలు ఆడిన అతడు.. 1046 ప‌రుగులు చేసి.. 91 వికెట్లు పడగొట్టాడు. బ్యాటింగ్​లో రెండుసార్లు 100+ స్కోర్లు నమోదు చేశాడు.
5. లిట‌న్ దాస్‌
   దూకుడుతో కూడిన ఆటకు లిట‌న్ దాస్ పెట్టింది పేరు. బంగ్లా డేంజ‌ర‌స్ ఆట‌గాడిగా పేరున్న దాస్..త‌న అనేక సార్లు సంచ‌ల‌న ఇన్నింగ్స్ ఆడాడు. గ‌తేడాది జ‌రిగిన టీ-20 వ‌ర‌ల్డ్ క‌ప్​లో టీమ్ఇండియాపై కీలక ఇన్నింగ్స్​ ఆడాడు. తన కెరీర్​లో 77 వ‌న్డేలు ఆడిన దాస్.. 2250 ప‌రుగులు సాధించాడు. ఇందులో 5 సెంచ‌రీలు 10 అర్ధ సెంచ‌రీలు ఉన్నాయి. .

2023 వరల్డ్​కప్​నకు బంగ్లాదేశ్ జట్టు.. బంగ్లాదేశ్.. షకీబ్​ అల్ హసన్ (కెప్టెన్), ముష్ఫికర్ రహీమ్, లిట్టన్ దాస్, మజ్ముల్ హొసన్ శాంటో, మెహెదీ హసన్ మిర్జా, హ్రిదోయ్, తస్కిన్ ఆహ్మద్, ముష్ఫికర్ రహమాన్, షరీఫుల్ ఇస్లామ్, హసన్ మహ్​మూద్, నసుమ్ అహ్మద్, మహెదీ హసన్, తన్జీమ్ షకిబ్, తన్జీద్ తమిమ్, మహ్మదుల్లా.