న్యూజిలాండ్ వేదికగా వచ్చే ఏడాది జరగనున్న వన్డే ప్రపంచకప్ తన కెరీర్లో చివరిదని వెల్లడించింది భారత మహిళల వన్డే జట్టు కెప్టెన్ మిథాలీ రాజ్. '1971: ది బిగినింగ్ ఆఫ్ ఇండియాస్ క్రికెటింగ్ గ్రేట్నెస్' పుస్తకావిష్కరణలో మిథాలీ పాల్గొన్నది. వరల్డ్కప్లో రాణించే సత్తా ఉన్న బౌలర్ల కోసం అన్వేషిస్తున్నట్లు తెలిపింది.
సుదీర్ఘ కాలంగా భారత మహిళల క్రికెట్కు ప్రాతినిధ్యం వహించిన మిథాలీ.. ఇక ఆటకు గుడ్ బై చెప్పాలని భావిస్తోంది. తాను అంతర్జాతీయ క్రికెట్లోకి అడుగుపెట్టి గతేడాదికి 20 ఏళ్లు పూర్తైందని తెలిపింది. భారత్ తరఫున 7000 పరుగులు సాధించిన ఏకైక మహిళ క్రికెటర్ మిథాలీయే కావడం విశేషం.
ఇదీ చదవండి: 'కొవిడ్ నుంచి కోలుకున్నా.. త్వరలోనే ప్లాస్మా దానం చేస్తా'
"నేను అంతర్జాతీయ క్రికెట్లోకి వచ్చి ఇప్పటికే 21 ఏళ్లైంది. 2022 వన్డే వరల్డ్కప్ నా కెరీర్లో చివరిదవుతుందని నాకు తెలుసు. టీమ్లో ప్రస్తుతమున్న జులాన్ గోస్వామి కెరీర్ చివరిలో ఉంది. కాబట్టి అత్యుత్తమ ఫాస్ట్ బౌలర్లు కోసం చూస్తున్నాం. ప్రపంచకప్ నాటికి ఈ సమస్యను అధిగమించాలి. వరల్డ్కప్కు ముందు మేము నాలుగు దేశాల్లో పర్యటించనున్నాం. అందుకు ఆసక్తిగా ఎదురుచూస్తున్నాం. ప్రస్తుతం కొవిడ్ కష్టకాలంలో ఉన్నాం. నా వయసు పెరుగుతున్నా ఫిట్నెస్పై ఎప్పుడూ ప్రత్యేక దృష్టి ఉంటుంది."
-మిథాలీ రాజ్, భారత మహిళల వన్డే జట్టు కెప్టెన్.
ఇదీ చదవండి: హైదరాబాద్ రంజీ ప్లేయర్ అశ్విన్ యాదవ్ మృతి
