బ్యాడ్మింటన్ తార గుత్తా జ్వాల అతి త్వరలోనే పెళ్లి పీటలెక్కనుంది. ఈ విషయాన్ని ఆమెకు కాబోయే వరుడు, తమిళ నటుడు విష్ణు విశాల్ ఇటీవల స్పష్టం చేశాడు.
"జ్వాల నాకెప్పుడూ మద్దతుగా నిలుస్తూనే ఉంది. ప్రతి విషయంలోనూ తోడుగా ఉంటుంది. ఆమెకు ధన్యవాదాలు. అతి త్వరలోనే మేం పెళ్లి చేసుకోబోతున్నాం. నేను తెలుగు అల్లుడిని కాబోతున్నా. అందుకు చాలా సంతోషంగా ఉంది" అని ఈ మధ్య జరిగిన ఓ కార్యక్రమంలో విష్ణు విశాల్ పేర్కొన్నాడు.
కొన్నేళ్లుగా సహజీవనం చేస్తున్న ఈ జోడీ, గతేడాది సెప్టెంబర్లో నిశ్చితార్థం చేసుకున్నామని ప్రకటించి అందరినీ ఆశ్చర్యపరిచారు. మరోవైపు తన సొంతనిర్మాణ సంస్థలో జ్వాల జీవిత కథను సినిమాగా తీస్తానని విశాల్ ప్రకటించాడు.
