నేటి నుంచే బ్యాంకాక్ వేదికగా... బీడబ్ల్యూఎఫ్ (ప్రపంచ బ్యాడ్మింటన్ సమాఖ్య) వరల్డ్ టూర్ ఫైనల్స్ ప్రారంభంకానుంది. ఆదివారంతో ముగిసిన రెండు థాయ్లాండ్ ఓపెన్లలో నిరాశ పరచినప్పటికీ.. భారత స్టార్ షట్లర్లు పీవీ సింధు, కిదాంబి శ్రీకాంత్ ఈ టోర్నమెంట్కు అర్హత సాధించారు. అయితే ఈ టోర్నీలో అయినా తిరిగి పుంజుకొని తమ సత్తా చాటాలని వీరు ఆశిస్తున్నారు.
ప్రపంచ ఛాంపియన్, ఒలింపిక్స్ పతాక విజేత సింధు.. 2018లో డబ్ల్యూటీఎఫ్ టైటిల్ను గెలిచుకుంది. అయితే ఈసారి ఆమెకు తీవ్ర పోటీ తప్పేలా లేదు. ప్రస్తుత టోర్నీలో గ్రూప్ బీలో ఉన్న సింధు.. టాప్ ర్యాంకర్లు తైజు ఇంగ్, రచనోక్ ఇంటనాన్, చోచువాంగ్లో తలపడనుంది.
సుదీర్ఘ విరామం తర్వాత యోనెక్స్ థాయ్లాండ్ ఓపెన్తో కోర్టులోకి అడుగుపెట్టిన సింధు.. తొలి రౌండ్లోనే నిష్క్రమించి అందరినీ నిరాశపరించింది. డెన్మార్క్‌కు చెందిన మియా బ్లిచ్‌ఫెల్డ్‌ చేతిలో పరాజయం పాలైంది సింధు. ఇక టొయొటా థాయ్లాండ్ ఓపెన్ క్వార్టర్ ఫైనల్లో మలేషియాకు చెందిన రచనోక్ ఇంటనాన్ చేతిలో వరస సెట్లలో ఓడి నిరాశ పరచింది.
ఇక పురుషుల సింగిల్స్లో అగ్రగామి షట్లర్లు అండర్స్ ఆంటోన్సెన్, వాంగ్జు, లాంగ్ ఆంగస్లతో గ్రూప్ బీలో ఉన్నాడు శ్రీకాంత్. గతంలో ప్రపంచ మాజీ నెం.1గా ఉన్న శ్రీకాంత్కు ఈ ఏడాది కలిసి రాలేదు. గాయం కారణంగా యోనెక్స్ థాయ్లాండ్ ఓపెన్ నుంచి నిష్క్రమించిన అతడు, టొయొటా థాయ్లాండ్ ఓపెన్ నుంచి సాయి ప్రణీత్కు కరోనా సోకడం వల్ల తప్పుకోవాల్సి వచ్చింది.
వరల్డ్ టూర్ ఫైనల్స్లో ఈ ఇద్దరికీ తమ ప్రత్యర్థుల నుంచి గట్టి పోటీ ఎదురుకానుంది.
ఈ నెల 31వరకు ఈ టోర్నీ జరగనుంది.
ఇదీ చూడండి: బ్యాడ్మింటన్: టాప్-10లో ఆరుగురు మనోళ్లే
