న్యూజిలాండ్ ఓపెన్లో భారత స్టార్ షట్లర్ సైనా నెహ్వాల్ తొలి రౌండ్లోనే ఇంటి ముఖం పట్టింది. చైనాకు చెందిన వాంగ్ జీ చేతిలో ఓడిపోయింది. 16-21, 23-21, 4-21 తేడాతో పరాజయం చెందింది. ప్రపంచ 212 ర్యాంకులో ఉన్న వాంగ్... 9వ ర్యాంకులో ఉన్న సైనా నెహ్వాల్ను ఓడించింది.
గంటా 7 నిమిషాల పాటు జరిగిన ఆటలో ప్రత్యర్థి సైనాపై పూర్తి ఆధిపత్యం చెలాయించింది. తొలి గేమ్లో 0-4 తేడాతో వెనుకబడిన సైనా వెంటనే పుంజుకున్నా.. ఫలితం లేకపోయింది. 16-21 తేడాతో 19 ఏళ్ల వాంగ్ భారత షట్లర్ను ఓడించింది. రెండో గేమ్లో సైనా 23-21 తేడాతో గెలవగా... మూడో సెట్లో వాంగ్కు ఏ మాత్రం పోటీ ఇవ్వలేకపోయింది.
పురుషుల సింగిల్స్లో లక్ష్యసేన్.. తైవాన్ ఆటగాడు జూ వీ చేతిలో పరాజయం చెందాడు. 21-15, 18-21, 10-21 తేడాతో తీవ్రంగా శ్రమించినా విజయం దక్కించులేకపోయాడు. పురుషుల డబుల్స్లో మనుఅత్రి - సుమిత్ రెడ్డి జోడి న్యూజిలాండ్ ద్వయం జోషువా - జాక్ను 21-17, 21-10 తేడాతో వరుస సెట్లలో ఓడించారు.
ఇది చదవండి: ఐపీఎల్కు వరుణ్ చక్రవర్తి దూరం
