దిల్లీలోని రాష్ట్రపతి భవన్లో పద్మ అవార్డుల ప్రదానోత్సవం ఘనంగా జరిగింది. 2020లో వివిధ రంగాల్లో విశేష సేవలందించిన వారికి ఈ పురస్కారాలు అందజేశారు రాష్ట్రపతి రామ్నాథ్ కోవింద్. ఉపరాష్ట్రపతి వెంకయ్యనాయుడు, ప్రధాని మోదీ, కేంద్ర హెంమంత్రి అమిత్ షా సహా ముఖ్య నేతలు ఈ కార్యక్రమానికి హాజరయ్యారు. ఈ వేడుకలో ప్రముఖ బ్యాడ్మింటన్ క్రీడాకారిణి పీవీ సింధు.. పద్మ భూషణ్ పురస్కారాన్ని స్వీకరించింది.
పద్మ భూషణ్ స్వీకరించిన పీవీ సింధు
"ఇది చాలా గర్వకారణం. ఈ పురస్కారం అందించినందుకు భారత ప్రభుత్వానికి కృతజ్ఞతలు. ఇలాంటి పురస్కారాలు క్రీడాకారుల్లో ప్రోత్సాహాన్ని, స్ఫూర్తిని నింపుతాయి. భవిష్యత్ టోర్నీల్లో మరింత మెరుగ్గా ఆడేందుకు ప్రయత్నిస్తా" అంటూ తన సంతోషాన్ని వ్యక్తం చేసింది సింధు.
