చైనా ఓపెన్లో భారత షట్లర్ల వైఫల్యం కొనసాగుతూనే ఉంది. ఇప్పటికే సైనా నెహ్వాల్, పీవీ సింధు ఇంటిముఖం పట్టగా.. తాజాగా పారుపల్లి కశ్యప్ ఈ జాబితాలో చేరిపోయాడు. పురుషుల సింగిల్స్ విభాగంలో డెన్మార్క్కు చెందిన విక్టర్ అక్సెల్సన్ చేతిలో పరాజయం పాలయ్యాడు.
13-21, 19-21 తేడాతో వరుస సెట్లలో ఓడిపోయాడు కశ్యప్. 43 నిమిషాల్లోనే ఈ మ్యాచ్ ముగిసింది. తొలి సెట్లో పెద్దగా ఆకట్టుకోని భారత షట్లర్.. రెండో గేమ్లో పోరాడినప్పటికీ విజయం ప్రత్యర్థినే వరించింది.
ఈ ఏడాది విక్టర్ చేతిలో రెండోసారి పరాజయం పాలయ్యాడు కశ్యప్. మార్చిలో జరిగిన ఇండియా ఓపెన్ సెమీస్లోనూ ఓడాడు. ఈరోజు సాయంత్రం రెండో రౌండ్లో డెన్మార్క్ ఆటగాడు ఆండెర్స్తో తలపడనున్నాడు మరో ఆటగాడు సాయి ప్రణీత్.
ఇదీ చదవండి: ఆఖరి వన్డే టీమిండియాదే.. సిరీస్ కైవసం
