ఆసియా బ్యాడ్మింటన్ టీమ్ ఛాంపియన్షిప్లో భారత పురుషుల జట్టు సెమీఫైనల్కు దూసుకెళ్లింది. శుక్రవారం హోరాహోరీగా సాగిన క్వార్టర్స్లో.. థాయ్‌లాండ్‌ను 2-3 తేడాతో ఓడించింది భారత్ బృందం. తొలి సింగిల్స్‌లో సాయి ప్రణీత్‌ (14-21, 21-14, 12-21), రెండో సింగిల్స్‌లో కిదాంబి శ్రీకాంత్‌ (20-22, 14-21) వరుసగా పరాజయం పాలయ్యారు. ఫలితంగా భారత్ 0-2తో వెనుకబడింది. తర్వాత పుంజుకొని వరుసగా మూడు మ్యాచ్ల్లో విజయం సాధించి సెమీస్కు చేరింది.
మూడో మ్యాచ్ డబుల్స్‌లో ధ్రువ్‌ కపిల్-ఎంఆర్‌ అర్జున్‌ జోడీ (21-18, 22-20), నాలుగో మ్యాచ్ సింగిల్స్‌లో లక్ష్య సేన్‌ (21-19, 21-18) చెలరేగి ఆడారు. ఫలితంగా స్కోరు 2-2తో సమమైంది. నిర్ణయాత్మక అయిదో మ్యాచ్లో చిరాగ్‌ శెట్టి - కిదాంబి శ్రీకాంత్‌ జోడీ 21-15, 16-21, 21-15 తేడాతో ప్రత్యర్థిని మట్టికరిపించి భారత్‌కు విజయాన్ని అందించారు.
నేటి సెమీస్ మ్యాచ్లో ఇండోనేషియాతో తలపడనుంది భారత్. 2016 ఆసియా ఛాంపియన్‌షిప్‌ సెమీస్‌లో ఇరుజట్లు పోటీపడగా... ఇండో జట్టే పైచేయి సాధించింది. మరి ఈ సారైనా ఫలితం మారుతుందేమో చూడాలి.
ఇదీ చూడండి.. దెబ్బకు దెబ్బ.. దక్షిణాఫ్రికాపై ఇంగ్లాండ్ విజయం
