భారత షట్లర్లు సాత్విక్ రాంకీరెడ్డి, చిరాగ్ శెట్టి ఫ్రెంచ్ ఓపెన్లో దూకుడు ప్రదర్శిస్తున్నారు. శుక్రవారం జరిగిన పురుషుల డబుల్స్ క్వార్టర్స్ ఫైనల్ మ్యాచ్లో సంచలన విజయం నమోదు చేశారు. ఫలితంగా ఈ ప్రతిష్ఠాత్మక టోర్నీలో సెమీఫైనల్లో అడుగుపెట్టారు.
క్వార్టర్ ఫైనల్లో 21-13, 22-20 తేడాతో కిమ్ అస్ట్రప్-ఆండ్రెస్ (డెన్మార్క్) జోడీపై గెలిచింది సాత్విక్, చిరాగ్ ద్వయం. తర్వాతి మ్యాచ్లో లి జున్-లియు చెన్ (చైనా), హిరోయికి, యుటా వాటాంబే (జపాన్) మ్యాచ్లో గెలిచిన జట్టుతో తలపడతారు.
ప్రపంచ నెం.2 జోడీపై...
గురువారం జరిగిన పురుషుల డబుల్స్ మ్యాచ్లో సాత్విక్-చిరాగ్ జోడీ... ప్రపంచ రెండో ర్యాంకర్లను ఓడించారు. ఈ మ్యాచ్లో 21-18, 18-21, 21-13 తేడాతో మహమ్మద్ అహ్సస్-హెండ్రా సెటివాన్‌ (ఇండోనేషియా)పై విజయం సాధించి క్వార్టర్ ఫైనల్లో అడుగుపెట్టారు.
