Unstoppable with NBK latest promo: ఎవరైనా సిద్ధంగా ఉంటే తాను విలన్గా నటించేందుకు సిద్ధంగా ఉన్నానని హీరో నందమూరి బాలకృష్ణ అన్నారు. అయితే ఆ సినిమాలో హీరోగా కూడా తానే చేస్తానని చెప్పారు. ఆహా వేదికగా ప్రసారమవుతున్న 'అన్స్టాపబుల్ విత్ ఎన్బీకే' కొత్త ఎపిసోడ్కు సంబంధించిన ప్రోమో సోమవారం విడుదలైంది. ఈ ఎపిసోడ్కు 'అఖండ' చిత్రబృందం విచ్చేసి సందడి చేసింది. ఇందులో భాగంగానే ఈ విషయాన్ని చెప్పారు బాలయ్య.
ఈ షోలో నటుడు శ్రీకాంత్తో కలిసి బాలయ్య చెప్పిన సంభాషణలు ప్రేక్షకులను ఆకట్టుకున్నాయి. వీరిద్దరూ కలిసి 'అఖండ'లోని తమ డైలాగ్లు చెబుతూ మరోసారి సరదాగా తలపడ్డారు.
బోయపాటిని కూడా సరదాగా ఆట పట్టించారు బాలయ్య. వీరి సంభాషణలు నవ్వులు పూయించాయి. ఈ క్రమంలోనే.. 'మీరు ప్రపంచానికి ప్రశ్న ఏమో నాకు మాత్రం సమాధానం' అంటూ దర్శకుడు బోయపాటి శ్రీను.. బాలయ్యతో ఉన్న అనుబంధం గురించి చెప్పారు.
హీరోయిన్ ప్రగ్యా జైశ్వాల్, సంగీత దర్శకుడు తమన్తో కలిసి సరదా ఆటలు ఆడారు బాలయ్య. ఇందులో భాగంగా ఓ గ్లాస్లోకి తమన్ బంతిని విసరగా అది కాస్తా ప్రగ్యా పక్కకి పడింది. అప్పుడు.. 'ఏంటి బంతిని గ్లాస్లోకి వేశావా అమ్మాయి మీదకి వేశావా? పాట నీదేమో పాప మాత్రం నాది' అంటూ బాలయ్య చెప్పిన సరదా డైలాగ్ ప్రేక్షకులను తెగ నవ్వించింది. ఈ క్రమంలోనే ప్రగ్యాతో కలిసి మరోసారి 'జై బాలయ్య' సాంగ్కు స్టెప్పులు కూడా వేశారు.
ఇక అఖండ సినిమా విషయానికొస్తే.. ఇటీవలే విడుదలైన ఈ చిత్రానికి భారీ రెస్పాన్స్ వస్తోంది. ఇందులో బాలయ్య నటన, గెటప్, బ్యాక్ గ్రౌండ్ మ్యూజిక్ హైలైట్గా నిలిచాయి. తెలుగు రాష్ట్రాల్లోనే కాకుండా ఓవర్సీస్లోనూ బాక్సాఫీస్ను షేక్ చేస్తోందీ మూవీ.
- " class="align-text-top noRightClick twitterSection" data="">
ఇదీ చూడండి: Akhanda Movie: 'అఖండ' జోరు.. బాక్సాఫీసుకు ఊపు
