నటిగా రాణించాలనే కోరిక తనలో చాలా కాలంగా ఉండేదని అంటోంది ప్రముఖ ఫ్యాషన్ డిజైనర్ మసాబా గుప్తా. కానీ, చిత్ర పరిశ్రమలో ఒకే వర్ణం గల ముఖాలు చలామణి అవుతుండటం వల్ల ఇందులోకి రాలేనేని తను భావించినట్లు తాజాగా వెల్లడించింది. నటిగా మారాలన్న తన కోరిక నెట్ఫ్లిక్స్ సిరీస్ 'మసాబా మసాబా'తో తీరబోతోంది.
"నటించాలన్న నాలోని కోరికను ఎప్పుడూ బయటపెట్టలేదు. ప్రస్తుతం ఫ్యాషన్ డిజైనింగ్లో బిజీగా ఉన్నా. అది ఎప్పటికీ నా మొదటి బిడ్డ. నన్ను నమ్మని వ్యక్తులతో కలిసి పనిచేయడానికి ఇష్టపడను."
-మసాబా గుప్తా, ప్రముఖ ఫ్యాషన్ డిజైనర్
'మసాబా మసాబా' సిరీస్లో టైటిల్రోల్ పోషిస్తున్న మసాబా గుప్తా.. తన తల్లి నీనా గుప్తాతో కలిసి ఇందులో నటించింది. ఇది కల్పిత కథైనా మసాబాకు చిన్నతనం నుంచి ఎదురైన చేదు అనుభవాలతో దీనిని తెరకెక్కించారు. నటి నీనా గుప్తా, వెస్టిండీస్ మాజీ క్రికెటర్ వివ్ రిచర్డ్స్ల కుమార్తె ఈ మసాబా గుప్తా.
- " class="align-text-top noRightClick twitterSection" data="">
మసాబా వ్యక్తిగత జీవితం నుంచి కొన్ని సంఘటనలు, ఒత్తిడిని ఎదుర్కొన్న క్షణాలను ఎంచుకుని వాటిని కల్పిత నేపథ్యంలో ఈ సిరీస్ను రూపొందించారు. నీల్ భూపాలం, రితాషా రాథోడ్, సామ్రాన్ సాహు నటించిన 'మసాబా మసాబా' సిరీస్ ఆగస్టు 28 నుంచి నెట్ఫ్లిక్స్లో ప్రసారం కానుంది.
