బాలీవుడ్లో బయోపిక్ల ట్రెండ్ కొనసాగుతోంది. ఇప్పటికే పలువురి క్రీడాకారుల జీవితాలను తెరకెక్కించిన బాలీవుడ్ దర్శకులు, నటీనటులు సూపర్ హిట్లు అందుకోవడమే కాదు, మంచి పేరు కూడా సంపాదించారు. ఇదే తరహాలో... ఇప్పుడు చెస్ గ్రాండ్ మాస్టర్, మాజీ ప్రపంచ ఛాంపియన్ విశ్వనాథన్ ఆనంద్ జీవిత చరిత్ర(Viswanathan anand biography) కూడా తెరకెక్కనుంది. ఈ సినిమా నిర్మాణానికి సంబంధించిన పనులు జరుగుతున్నాయని స్వయంగా ఆనంద్ ప్రకటించారు. ఇందులో తన పాత్రలో బాలీవుడ్ స్టార్ హీరో ఆమిర్ ఖాన్(Aamir khan viswanathan anand movie) నటిస్తే బాగుంటుందని ఆయన చెప్పారు.
"సినిమాలో నా పాత్రలో ఎవరు నటిస్తారో చెప్పలేను. కానీ, నేనైతే ఆమిర్ ఖాన్(Aamir khan viswanathan anand movie) ఆ పాత్రను పోషిస్తే బాగుంటుందని చెప్పగలను. ఆమిర్కు, నాకు చాలా విషయాల్లో పోలికలు ఉన్నాయని నేను భావిస్తాను."
-విశ్వనాథన్ ఆనంద్, చెస్ గ్రాండ్ మాస్టర్.
కొద్దిరోజుల క్రితం ఓ జూమ్ మీటింగ్లో విశ్వనాథన్ బయోపిక్పై(Aamir khan viswanathan anand movie) అడిగిన ప్రశ్నకు సానుకూలంగా స్పందించారు ఆమిర్. "అది సమాధానం చెప్పేందుకు చాలా సులువైన ప్రశ్న. విశ్వనాథ్ పాత్ర పోషించడం నాకు గౌరవప్రదమే కాదు.. ఆయన మైండ్ను అర్థం చేసుకోవడం చాలా ఆత్రుత కలిగించే అంశం కూడా. నేనెప్పుడైనా ఏదైనా పాత్ర పోషిస్తే.. ఆ పాత్ర మనస్తత్వాన్ని అర్థం చేసుకునేందుకు ప్రయత్నిస్తాను. నేను విశ్వనాథన్ పాత్ర పోషిస్తే.. ఆయన మైండ్ను అర్థం చేసుకోవడానికి నేను చాలా సమయం ఆయనతో గడుపుతాను" అని ఆయన చెప్పారు.
ఇదీ చూడండి: Movie Updates: బంగార్రాజు డైరీ బ్యూటీ.. సూర్య కొత్త సినిమా రిలీజ్ డేట్
ఇదీ చూడండి: ఇన్స్టాగ్రామ్లో ఐకాన్ స్టార్ భార్య స్నేహా రెడ్డి రికార్డ్!
