హాలీవుడ్ ప్రముఖ యాక్షన్ హీరో డ్వేన్ జాన్సన్(రాక్) రికార్డు సృష్టించాడు. ఇన్స్టాలో అత్యధిక మొత్తం ఆర్జిస్తున్న సెలబ్రిటీగా ఘనత సాధించాడు. ప్రస్తుతం ఒక్కో యాడ్ పోస్ట్కు 10,15,000 డాలర్లు (రూ.7.50 కోట్లు) తీసుకుంటున్నాడని అంచనా. ప్రస్తుతం అతడికి 189 మిలియన్ల ఫాలోవర్లు ఉన్నారు. ప్రముఖ సోషల్మీడియా మార్కెటింగ్ సంస్థ హాపర్ హెచ్క్యూ ఈ విషయాన్ని స్పష్టం చేసింది.
స్టార్ ఫుట్బాలర్ క్రిస్టియానో రొనాల్డొ (8,89,000 డాలర్లు), ప్రముఖ మోడల్ కిమ్ కర్దాషియన్(8,58,000 డాలర్లు), పాప్ అమెరికన్ సింగర్ అరియానా గ్రాండే(8,53,000డాల్లర్లు) తదితరులు రాక్ తర్వాతి స్థానాల్లో ఉన్నారు.
'ఫాస్ట్ అండ్ ఫ్యూరియస్: హాబ్స్ అండ్ షా', 'జుమాంజీ' సినిమాలతో ఇటీవలే ప్రేక్షకుల ముందుకొచ్చాడు డ్వేన్. ప్రస్తుతం 'బ్లాక్ అడమ్' అనే చిత్రంలో నటిస్తున్నాడు.
ఇది చూడండి : భారత్-చైనా వివాదం.. ఆమిర్ షూటింగ్ వాయిదా!
