బాలీవుడ్లో ఘన విజయం అందుకున్న సినిమాలు 'సంజు', 'సుల్తాన్'. 'సంజు' రణ్బీర్కు కొత్త ఊపిరి ఇవ్వగా.. 'సుల్తాన్' బాక్సాఫీస్ వద్ద సల్మాన్ పవర్ మరోసారి చూపించింది. అయితే ఈ రెండు చిత్రాల్లో నటించేందుకు కంగనా రనౌత్కు అవకాశం వచ్చింది. కానీ ఈ ఆఫర్లను తిరస్కరించింది క్వీన్. అందుకు గల కారణాలను తాజాగా వెల్లడించిందీ హీరోయిన్. కొన్ని పరిణామాల వల్ల ఆ రెండు సినిమాలకు అంగీకరించలేదని ఓ ఇంటర్వ్యూలో తెలిపింది.
"రణ్బీర్ కపూర్ ఒకరోజు మా ఇంటికి వచ్చి 'సంజు' చిత్రంలో నటించాలని కోరాడు. ఆ సినిమాలో నాకు ఇచ్చిన పాత్ర నచ్చక ఆ ఆఫర్ను తిరస్కరించా. ఏ హీరోయిన్ అయినా తనతో నటించకుండా ఉంటుందా? కానీ నేను అలాంటి సినిమాలు చేయడానికి సిద్ధంగా లేనని చెప్పా. సల్మాన్ నటించిన 'సుల్తాన్' చిత్రాన్ని తిరస్కరించినప్పుడు దర్శకుడు ఆదిత్య చోప్రా పిలిచి 'నీతో ఇంకెప్పుడూ కలిసి పనిచేయను' అని అన్నాడు."
- కంగనా రనౌత్, బాలీవుడ్ నటి
దర్శకుడు సంజయ్లీలా భన్సాలీ సినిమాల్లో ఇప్పటివరకు నటించకపోవడం విచారకరమని తెలిపింది కంగనా. 'రంగోలీ' చిత్రంలో నటించాల్సి ఉన్నా.. కొన్ని కారణాల వల్ల కుదరలేదని చెప్పింది. నటి మధుబాల బయోపిక్లో ఆమె పాత్రను పోషించాలని ఉందని కంగనా ఇటీవలే తెలిపింది.
ఇదీ చూడండి.. కరోనాపై పోరులో మేముసైతం అంటోన్న తారలు
