Chitti Ullipaya Pulusu Recipe: ఇంట్లో కూరగాయలు లేవు.. ఏం వండాలని ఆలోచిస్తున్నారా? అయితే, చిక్కని, కమ్మని చిట్టి ఉల్లిపాయ పులుసు ట్రై చేయండి. ఈ పులుసును వేడి వేడి అన్నంలో నెయ్యి వేసుకుని తింటే అద్భుతంగా ఉంటుంది. ఇంకా అట్టు, ఇడ్లీ, గారెలతో కూడా సూపర్గా ఉంటుంది. దీనిని ఫ్రిజ్లో పెట్టుకుంటే సుమారు 2 రోజులు నిల్వ ఉంటుంది. మరి ఇంకెందుకు ఆలస్యం.. ఇందులోకి కావాల్సిన పదార్థాలు ఏంటి? తయారీ విధానం ఎలాగో ఇప్పుడు తెలుసుకుందాం.
కావాల్సిన పదార్థాలు
- 2 టేబుల్ స్పూన్ల నూనె
- పావు టీ స్పూన్ మెంతులు
- ఒకటింపావు టేబుల్ స్పూన్ ధనియాలు
- 10 ఎండు మిరపకాయలు
- 12-15 జీడి పప్పు లేదా పుట్నాల పప్పు
- అర టీ స్పూన్ జీలకర్ర
- పావు కప్పు పచ్చి కొబ్బరి ముక్కలు
- 2 టమాటా ముక్కలు
- పావు కప్పు చింతపండు రసం
పులుసు కోసం కావాల్సిన పదార్థాలు
- 3 టేబుల్ స్పూన్ల నూనె
- 12-15 చిన్న ఉల్లిపాయలు
- 12-15 వెల్లుల్లి
- అర టీ స్పూన్ ఆవాలు
- అర కప్పు ఉల్లిపాయ ముక్కలు
- 2 పచ్చి మిరపకాయలు
- 2 రెబ్బల కరివేపాకు
- 2 ఇంచుల ఇంగువా
- 1 టేబుల్ స్పూన్ అల్లం వెల్లుల్లి పేస్ట్
- పావు టీ స్పూన్ పసుపు
- ఒక టీ స్పూన్ కారం
- రుచికి సరిపడా కారం
- ఒక లీటర్ నీరు
- 2 టేబుల్ స్పూన్ల బెల్లం
- కొద్దిగా కొత్తిమీర
తయారీ విధానం
- ముందుగా స్టౌ ఆన్ చేసి ఓ గిన్నెలో నూనె వేడి చేసుకుని అందులో మెంతులు, ధనియాలు, ఎండు మిర్చి వేసి కాసేపు వేయించుకోవాలి.
- ఆ తర్వాత జీడిపప్పు, జీలకర్ర వేసి వేయించుకుని.. పచ్చి కొబ్బరి, టమాటా ముక్కలు వేసి మగ్గించుకోవాలి.
- సుమారు 15 నిమిషాల తర్వాత టమాటా మగ్గాక.. దీనిని మిక్సీలో వేసుకోవాలి. ఇందులోనే చింతపండు పులుసు తీసి మెత్తగా గ్రైండ్ చేసుకోవాలి.
- మరోవైపు అదే కడాయిలో నూనె వేడి చేసి ఉల్లిపాయలు వేసి మీడియం ఫ్లేమ్లో 60శాతం వరకు వేయించుకోవాలి.
- ఆ తర్వాత వీటిని పక్కకు పెట్టుకుని.. మిగిలిన నూనెలో వెల్లుల్లి, ఆవాలు వేసి చిటపటమనిపించాలి.
- అనంతరం ఉల్లిపాయ తరుగు, కరివేపాకు, పచ్చి మిర్చి వేసి వేయించుకోవాలి. (మీకు నచ్చితే ఇంగువా వేసుకోవచ్చు)
- ఇందులోనే అల్లం వెల్లుల్లి పేస్ట్, పసుపు, కారం, ఉప్పు వేసి వేయించుకోవాలి.
- ఇప్పుడు ముందుగా గ్రైండ్ చేసుకున్న మిశ్రమాన్ని వేసి రెండు నిమిషాలు ఫ్రై చేసుకోవాలి. ఆ తర్వాత లీటర్ నీళ్లు పోసి హై ఫ్లేమ్లో మరిగించుకోవాలి.
- అనంతరం వేయించుకున్న ఉల్లిపాయలు, బెల్లం, కొత్తిమీర వేసి కలిపి మూత పెట్టి 18 నిమిషాలు పాటు మగ్గించుకోవాలి.(మధ్య మధ్యలో కలపాలి. లేకపోతే అడుగు అటుంకుపోతుంది)
- చివర్లో ఇంకా కొద్దిగా కొత్తి మీర వేసి గార్నిష్ చేసుకుని దించేసుకుంటే సరిపోతుంది.
ఈ టిప్స్ పాటిస్తే బిర్యానీ టేస్ట్ అద్దిరిపోతుంది! హోటల్ స్టైల్లో రావాలంటే ఎలా చేయాలో తెలుసా?
ఆరోగ్యానిచ్చే తీయటి 'మిల్లెట్స్ లడ్డు'- చిరు ధాన్యాలు తినలేకపోయేవారికి బెస్ట్ ఆప్షన్!!
