మలయాళంలో విజయవంతమైన 'అంగమలై డైరీస్‌'(Angamaly Diaries) చిత్రాన్ని తెలుగులో 'ఫలక్నుమా దాస్'(Falaknuma Das) పేరుతో రీమేక్‌ చేసి ప్రేక్షకుల మెప్పు పొందారు కథా నాయకుడు విశ్వక్ సేన్(Vishwak Sen). ఆయన ఈ సినిమాను తన స్వీయ దర్శకత్వంలో తెరకెక్కించారు. ఇప్పుడాయన ఈ చిత్రానికి సీక్వెల్‌గా 'ఫలక్నుమా దాస్ 2' తీసుకురానున్నట్లు ప్రకటించారు. ఈ విషయాన్ని ఇన్‌స్టాగ్రామ్‌ వేదికగా అభిమానులకు తెలియజేశారు. 'ఫలక్నుమా దాస్'(Falaknuma Das Sequel) ముహూర్తపు కార్యక్రమానికి సంబంధించిన ఓ పాత ఫొటోను విశ్వక్ ఇన్‌స్టాలో షేర్‌ చేశారు.
"మూడేళ్ల కిత్రం 'ఫలక్నుమా దాస్' ముహూర్తం షాట్‌. నిన్ననే జరిగినట్లు అనిపిస్తుంది. ఈ చిత్రబృందం 'ఫలక్నుమా దాస్ 2' కోసం త్వరలోనే తిరిగి కలవబోతుంది."
- విశ్వక్సేన్, యువ కథానాయకుడు
నిజానికి మలయాళంలో 'అంగమలై డైరీస్‌'కు సీక్వెల్ రాలేదు. కానీ, ఇప్పుడాయన తన సొంత కథతోనే ఈ సీక్వెల్‌ను పట్టాలెక్కించనున్నట్లు సమాచారం అందుతోంది. ప్రస్తుతం విశ్వక్ నటించిన 'పాగల్'(Paagal) చిత్రం విడుదలకు సిద్ధంగా ఉంది.
ఇదీ చూడండి: "పాగల్' చూడాలంటే టీవీలు, ఫోన్లు సరిపోవు!'
