ప్రముఖ తమిళ కథానాయకుడు విజయ్ నటిస్తున్న చిత్రం 'మాస్టర్'. లోకేశ్ కనగరాజన్ దర్శకుడు. మాళవిక మోహనన్‌ నాయిక. విజయ్ సేతుపతి ప్రతినాయకుడుగా కనిపించనున్నాడు. ముందుగా ఈ చిత్రాన్ని ఏప్రిల్లో విడుదల చేయాలని భావించింది చిత్రబృందం. అయితే లాక్‌డౌన్‌ కారణంగా వాయిదా పడింది.
తాజాగా మరో విడుదల తేదీ కోలీవుడ్‌లో చక్కర్లు కొడుతుంది. కొంతకాలం ఆలస్యమైనా విజయ్ పుట్టిన రోజు కానుకగా ఈ చిత్రాన్ని విడుదల చేయాలని దర్శకనిర్మాతలు అనుకుంటున్నారట. జూన్‌ 22న విజయ్ పుట్టిన రోజు. అప్పటికి పరిస్థితులు అనుకూలంగా ఉంటాయని ఆలోచించిన చిత్రబృందం.. ఈ నిర్ణయం తీసుకుందని టాక్‌. త్వరలోనే స్పష్టత వచ్చే అవకాశాలున్నట్లు తెలుస్తోంది.
